Sare Sozialen marketin zerbitzua dohainik

Orain dugun egoera ikusirik, eta guzti hau zuzendu arte, gure bezeroei, beraien sare sozialen marketin zerbitzua dohainik eskaintzea erabaki dugu, konfiantza osoa dugu, guztion laguntzarekin, laster itzuliko garela berriro normaltasunera.

Zu ere Black Friday eguneko beherapenetara gehitu behar zara?

Black Friday berriro gañean dugun sasoi honetan ez dago gaizki orain dela urte batzuk idatzi genuen artikulu bat berriro mahai gainera ateratzea. Kasu honetan, artikulu honetan idatzitako puntuak, orain 5 urte bezain baliagarriak eta gomendagarriak dira.

Oraindik hilabete falta da Gabonetarako eta hemen dugu Black Friday eguna.  Ideia hau Estatu Batuetan sortu zen, Esker Egun (Acción de Gracias) ondorengo egunean salmentak gehitzeko asmoz, baina azken urteetan hainbat herri ezberdinetara ere zabalduz joan da.

Hasiera batetan Black Friday eguna denda fisikoetarako sortu zen (orain online denda eta fisikoetan egiten baldin bada ere) eta online dendak gehiagotzen joan ziren bezala Cyber Monday edo Cyber Astelehena sortu zen, hau, online dendetarako soilik.

Aurten online motako denda asko izan dira Black Friday egunera aurreratu direnak, beraien produktu batzuk (ez denak) aste honen hasieratik beherapenetan jarriz. Egun hauetan ziur ehunka eskaintza ikusi dituzula bai zure sare sozialen bidez, Interneteko hainbat web orrietan edo eta zure email helbidera ere ziur bat baino gehiago iritsi zaizkizula, beraz kontuz, hauetariko batzuk faltsuak izan bait daitezke.

Erosketa egun hauek aprobetxatuz egun hauetan interneten gezurrezko online denda asko sortzen dira, batzuk benetazko denden izen eta itxura hartu nahiean gainera, beste batzuk beraien izen eta itxura desberdinekin, baina denek ezaurragarri berdinarekin, erosketaren transferentzia egin orduko, ahaztu zure diruarekin eta zure erosketa ikustearekin.

Beraz hauek dira zure online erosketak gutxieneko ziurtasun neurri batekin egiteko aholku batzuk:

  • Web orri batean sartzen zarenean, web orri ezagun batean zabiltzala pentsatu arren, irakurri ondo orriaren url helbidea, eta orriaren izena edo helbidea ongi idatzita dagoela ziurtatu, ez duela hizkirik ez faltan ez soberan. Adibidez, erosketak.eus izeneko orri batetan egin behar badituzu erosketak, ziurtatu erosketak jartzen duela, eta ez erozketak edo erossketak, e.a.
  • Lehenengo aldia baldin bada web orri horretan nabigatzen duzula, ziurtatu “benetako saltokia-orria” dela. Bilatu berari buruz zerbait foroetan edo egin interneteko bilatzaile ezberdinetan berari buruzko bilaketak. Dendari buruzko balorazioak aurkitzen badituzu (onak edo txarrak), baloratu dena eta erabaki, baina ezertxo ere ez baduzu aurkitzen web orri ori buruz, hobe duzu denda horretan erosketa egiteaz ahaztea.
  • Online denda batetan erosketa egitean, ohikoena lehenik web orrian erregistratzea da. Hau egitean arraroak diren datuak eskatzen badizkizue, hau da erosketarako beharrezkoak ez direnak (zure familiako datuak, zure lan mota, e.a.) ez bete formularioa. Inork ez du behar horrelako daturik erosketa burutzeko beraz ez fidatu.
  • Formularioekin jarraituz, zure bankuko txarteleko datuak betetzean, datuak memorian edo beraien web orrian gordetzeko aukera eskaintzen badizute, ezetz esan.
  • Online-ko erosketak egitean (bankuko txartela erabiltzean batipat), saiatu wifi publikoetara konektatuta ez egotea. Gaizkileentzat konexio hauek dira harrapatzeko errazenak.
  • Eta azkenik, online erosketa egin behar duzun web orriaren helbidea edo url-a begiratzen duzunean, gogoan izan aurretik HTTPS protokoloa eraman behar duela, horrela zu eta web orriaren artean bidaltzen den informazio guztia zifratuta joango da. Horrela ez baldin bada, agian ez zenuke gehiegi fidatu behar. (Honi buruzko informazio gehiago gure blog-ean duzu. HTTPS protokoloa)

Eta azkenik, Black Friday eta Cyber Monday egunak zure online erosketak egiteko aprobetxatzen badituzu ez litzateke gaizki egongo datozen egunetan zure kontu korronteko mugimenduak berraztertzea. Erosketako dirua zuzen murrizten dela baieztatzeko eta baita beste mugimendu arrarorik ez dagoela ziurtatzeko. Erosketa ziurrak izan!

INNOVA, Habitat 2019 altzari ferian

Feria honetan, guregana gerturatu zirenek Deco VR zerbitzu berria ezagutu ahal izan zuten, altzariei zuzenduriko errealitate birtualerako zerbitzua. VR betaurreko batzuekin, Deco programaren bidez eginiko proiektuetan “sartu” ahal izan ziren, esperientzia berri honen errealismo maila handia probatuz.

Erabiltzaileek Deco Desing eta Deco Basic programek dakartzan berrikuntzak ere ezagutu ahal izan zituzten. Honi buruz informazio gehiago nahi izan ezkero jarri lasai gurekin kontaktuan.

Bukatzeko, www.buscomuebles.com altzari bilatzaile berria ezagutarazi zen. Deco erabiltzaileentzat sorturiko web orri honekin, gure erabiltzaileek beraien dendatarako bisitak gehituko dituztela ziur gaude.

.eus domeinuak prezioak jeitsi dituzte berriro

.eus domeinu baten jabe baldin bazara ziurrenik jabetu zara albisteaz, baina horrela ez bada, domeinu hauek beraien prezioa berriro jaitsi dutela jakinarazten dizugu, oraingoan itxura denez “betirako”.

Momentu konkretuetan izan ohi dituzten beherapenak kontuan izan gabe, .eus domeinuek 2017. urtean izan zuten beraien beherapen handiena. Garai hartan 6.000 erabiltzailera iritsi zirela jakinarazi zuten, horrela prezioak jaitsi izan zituztelarik (irakurri honi buruzko albistea).

Oraingo honetan 10.000 erabiltzeaileetara iristekotan daudela jakinarazi dute eta honekin .eus domeinuaren prezioa, beste domeinuen prezio-etara gerturatzea lortu dute, bai domeinu berriak erosteko eta baita lehengoak berritzeko. Beraien web orrian azaltzen duten bezala (“Altak eta berritzeak 19 eurotik hasita, betirako“), .eus domeinua 19€-tik aurrera erosi/berritu ahal izango da, beti ere kontuan izanda hornitzaileak direla azken prezioa finkatzen dutenak. Hau ere ikusi ahal izateko .eus fundazioak hornitzaile ezberdinen zerrenda bat eskaintzen du, bertan prezioak 18,99€tik, 26,29€ra doazela ikus daitekeelarik.

Esan bezala, “Altak eta berritzeak 19 eurotik hasita, betirako” da beraien albistearen izenburua, honekin prezioak ez dituztela igoko esan nahiko dutela espero dugu, baina orain arte bezala, erabiltzaileak gehitzen doazen bezala, prezioak ere zerbait jaisteko aukera izango dutela, horrela .com bezalako domeinuen prezioetara jaitsiz, hau da 11, 12€ ingurura.

Domeinu bat erosteko asmotan bazabiltza, ez bazaude ziur ze izenekin erosi, zer izen izango litzatekeen egokiena zure enpresarentzat, domeinua libre al dagoen edo nola funtzionatzen duen domeinu “erosketa” prozesu osoak, ez zalantzarik izan, jarri lasai kontaktuan gurekin eta gure teknikariak zure zalantza guztiak argitzen saiatuko dira.


Facebook-en diseinu berria

Blog honetan behin baño gehiagotan hitzegin dugu marka ezberdinen berdiseinuei buruz, hauek enpresak eboluzio aldaketa bat jasatzen dutelako, beraien zerbitzuak aldatu/gehitu dituztelako edo iadanik beraien irudia zaharkiturik ikusten dutelako eta diseinu berriago bat nahi dutelako izan ohi da.

Marka ezberdinen diseinu berritze honen adibide onena egun hauetan Facebook egiten ari dena dugu. Mark Zuckerber, sare sozial horretako CEO eta fundatzaileak, orain egun batzuk, hilabete hauetan ikusiko ditugun berrikuntzen berri eman zuen.

Bere hitzetan “Azken bost urteotan Facebook aplikazioan eta web orrian egin duten aldaketarik handiena“.

Adierazi zutenez, azken denboran Facebook lagun eta familiartekoak elkar lotzeko baina zerbait gehiagotan bihurtu da, gero eta gehiago erabiltzen da interes eta zaletasun berdinak dituzten jendeak elkartzeko, horregatik sistema berria eta honekin batera diseinu berria, sortzen ditugun taldeetara begira egongo dira.

Plataforma ezberdinek, taldeek, elkar komuniatzako duten modua aldatuko dute, opzio berriak agertuko dira… baina artikulu honetan diseinua dugunez helburu, puntu honetan egin diren bi aldaketa garrantzitsuenetarikoak landuko ditugu:

1. Logotipoaren diseinu berria

logotipo-diseinu-berria-facebook

Logotipo diseinu zaharra eta berria

Enpresako markaren kolorea aldatu dute, denok ezagutzen dugun urdin hori orain argiagoa, distiratsuagoa da eta bai logotipo osoa eta baita “f” sinboloa berriro diseinatu dira. Diseinu berrian “f” zerbait lodiagoa da eta orain zirkulu baten barruan dago.

2. Facebook web orriaren diseinu berria

Datozen aste hauetan sare sozialean berrikuntza berriak ikusten joango gara, eta berrikuntza guzti hauek diseinu berri batekin atera nahi dituzte (ordenagailuetako web orrietarako eta baita  mugikorretarako ere). Eboluzio edo aldaketa guzti hau ‘taldeetara’ zuzenduta joango da, beraz diseinu berria ere bide horretara bideratu dute.

web-diseinu-berria-facebook

“Taldeak” menuko opzioetan indar gehiena duena izango da, goiko Menu Nagusiko opzioetan azaltzera pasatuko delarik. Ikonoen koloreak disdiratsuagoak dira, grafikoak lauagoak eta erabiltzaileak nabegatzako erabiltzen duen menua erraztu egin da. Modu berean goiburu urdina kendu egin dute eta interfaz txuri, garbiago baten apustu egin dute, erabiltzaileen edukiei eta artikuluei garrantzi gehiago emanez.

Aldaketa guzti hauek eta gehiago iadanik EEBB -etara iritsi dira (Whatsap, Instagram eta Messenger -ean ere ikusiko ditugu) eta guregana hemendik aste batzura iritsiko direla espero da.

Facebook bezala zuk ere zure enpresari itxura aldaketa bat eman nahi badiozu, berritzeko, urte hauetan izan duzuten eboluzioa erakusteko… eta marka berriak izan dezakeen itxura berria nolakoa izan litzatekeen jakitea gustatuko balitzaizuke, ez zalanzarik izan, jarri kontaktuan gurekin eta zure enpresaren diseinu berria lortzen lagunduko dizugu.