Mehatxu mezuak “pornoa” sarean ikusteagatik

Pornoari loturiko Blackmail edo Sextorzioa berriro indar gehiagorekin dator.

Egun hauetan bezero bat baino gehiago jarri da gurekin kontaktuan, sarean pornografia bideoak ikusten ari zirela grabatu dietela esaten dieten mezuak jaso dituztela esanez.

Honako moduko emailak (ohikoena erderaz edo ingelesez izatea da):

Hola! ¿Ha notado hace poco que ha recibido un correo electrónico desde su propia cuenta? Eso es simplemente porque tengo total acceso a su dispositivo. Llevo un par de meses observándole.

edo:

Tengo un vídeo en el que sale masturbándose en el lado izquierdo, y en el derecho la película que estaba viendo mientras se masturbaba

Hainbesteko igoera izan dute mezu hauek, ze orain hiru egun INCIBE (Zibersegurtasuneko institutu nazionalak) mezu hauei buruzko albistea idatzi zuen beraien web orrian:
​https://www.incibe.es/protege-tu-empresa/avisos-seguridad/detectada-campana-correos-los-se-pide-rescate-evitar-filtracion

Mezu hauetan zure ordenagailua hackeatu dutela esaten dizute, zure kontuko pasahitzak lortu dituztela eta sartu saren web helbide pornografikoak malware bat zuela eta bideo hori ikusten ari zinela grabatu zaituztela. Bideo hori zure kontaktu guztien artean zabaltzeko mehatxua egiten dute.

Baina lasai, ez zaituzte grabatu eta inork ez du zure bideorik. Mezu bera modu masiboan bidali dute, gutxieneko biktima-portzentaje batek ordainketa egitea iadanik errentagarria egiten bait zaie. Normalean mezua bidaltzen duenak ordu edo egun gutxi ematen ditu ordainketa egiteko (gehienetan ez dira oso ordainketa handiak izaten, hori bai, bitcoin-etan), biktimak ez dezan gehiegi pentsatu edo mehatxuaren berri hobeto informatzeko astirik izan.

Oro har, mezu hauek URL edo link bat izaten dute, link horretan klik egitean bideo hori dutela ikusiko duzula esanez. Eta hor hasten dira arazoak; izan ere, esteka horretan klikatzean eta erantsitako programa deskargatzean, zure ordenagailuan ‘ransomware’ bat instalatzen dute. Horrelako programek erabat blokeatzen dute PCa, eta, jakina, online ordainketa edo erreskatea eskatzen dute desblokeatzeko.

Horrelako mezuren bat jaso baduzu hauek dira jarraitu behar dituzun pausoak (eginbehar eta ez egin beharrekoak):

  1. EZ EGIN KLIK MEZUAN AGERTZEN DEN INUNGO LINK-EAN
  2. EZ ERANTZUN EMAIL-a. Honekin zure helbidea baieztatzea besterik ez duzu lortuko, eta ondorioz horrelako mezu gehiago jasotzea
  3. Badakigu gogaikarria dela, baina ohitu zaitez noizbehinka pasahitzak aldatzen
  4. Instalatu antivirus bat

Eta oraindik mezu mota hauei buruz edo jaso duzun bestelako bati buruz zalantzak badituzu (ezin ahaztu bankuetatik bidaltzen dituztela ematen duten gezurrezko email guzti horiek), ez zalantzarik izan eta jarri kontaktuan gurekin. Gure teknikariak zure zalantza guztiak argitzen saiatuko dira.


Makina-erreminten 3D infografia diseinuak

Azken boladan azoka asko ari dira bertan behera gelditzen, azkena Bilboko Makina-erremintaren bi urteko azoka ospetsua, 2020ko maiatzera atzeratua.

Enpresa askok erabiltzen dituzte feria hauek beraien berrikuntzak erakusteko, tamaina handiko erreminta-makinak erabiltzaileei erakusteko aukera bikainak izaten dira, baina ez lukete izan behar aukera bakarra. Egoera berri honek zerbait erakutsi badigu, Internet gure produktuak kanpora erakusteko aukera aparta izan daitekeela da.

Horrela bada, zure enpresak azoka ezberdinetan erakusteko makina-erreminta baditu, ez izan zalantzarik, eta erabili zuen web orria (oraindik ez baduzu, orain duzu aukera!) makina horien bideo eta 3d infografiak erakusteko.

Hau lortzeko zalantzarik izan ezkero jarri lasai kontaktuan gure teknikariekin eta zure kasua aztertu ondoren aukerarik onenak azalduko dizkizue.

 

Informe de almacenamiento – Su correo esta 99% lleno

Horrelako mezurik jaso duzu zure posta elektronikoaren bidez? ba ez ireki!

Iadanik hainbat jende larrituta jarri da gurekin kontaktuan beraien oporren ondoren “Informe de almacenamiento” izenburuarekin email bat jaso dutela esanez. Bertan beraien korreoa %99-ko kapazidadean zegoela jakinarazten diete, eta email-ak bidaltzen/jasotzen jarraitu ahal izateko, bertan agertzen den link bat klikatu behar dutela esaten zaie. Zuk ere horrelako mezu bat jaso baduzu, ezabatu berehala. Email hoenen helburu bakarra zure posta elektronikoko pasahitza lortzea da.

Hala ere, posta zerbitzurik gabe gelditzeko beldurrez, link hori klikatu baduzu, beste lehio berri bat irekiko zitzaizun, bertan zure korreoko pasahitza idazteko eskatzen zaizularik. Pauso honetan geldituko ziñela espero dugu. Ez sartu zure datu pertsonalak, eta oraindik eta gutxiago inolako pasahitzik, ezagutzen ez duzun leku batetan. Kasu honetan, aurreko link-a klikatu badauzu, agertzen den lehio berri honen url edo helbidea ikustean, nahiko helbide arraroa dela ikusi ahal izango zenuen, honek bakarrik, deskonfidantza bat sortu beharko lizukeelarik.

Baina hala ere, korreo zerbitzu gabe gelditzeko bildurragatik edo, zure pasahitza sartu baduzu, ez itxaron minutu bat gehiago, eta deitu zure posta zerbitzua kudeatzen duen enpresari.

Innovak, Gipuzkoako Ostalaritzako elkarteak antolaturiko webinar-ean parte hartu zuen

Gipuzkoako Ostalaritzak, Gipuzkoako Foru Aldundiarekin lankidetzan eta Gastronomia 4.0-Labe estrategiaren barruan, Ostalaritzarako COVID-19 prebentzio-sistemei buruzko webinar bat antolatu zuen 2020ko ekainaren 23an (asteartea).

Innova-k QR sistemaren aplikazioa eta funtzionamendua azaldu zituen, bereziki taberna eta jatetxeetarako menu eta karta digitaletarako zuzenduta.

Nahi duenak albiste honetan du webinar-eko bideo zatia.


Ostalaritza, QR kartak eta menuak

Jatetxeentzako beraien menu eta kartak QR kodearen bidez eskaintzeko zerbitzua dugu.

Karta eta menu fisikoak digitalean diseinatzen ditugu, QR kodea osrtu eta internet-en jartzen dugu. Diseinu pertsonalizatuak, jatetxe bakoitzaren logoa barne. Jatetxe edo hotel bakoitzak izan ditzakeeen beharretara moldatzen gara. Galdetu lasai.

Nahi duenak hemen ikus dezake eskaintzen dugun jatetxeentzako QR zerbitzuari buruzko informazioa.

Ikusi Osinazpi jatetxeari diseinaturiko QR menuaren adibidea