Marketin digitala, sustatu zure marka Interneten

Marketin digitala funtsezko pieza bihurtzen ari da kontsumitzaileengana iristeko.

Baina zer da zehazki Marketin Digitala?

Marketin Digitala (edo Online egiten den Marketin-a) teknika/ekintza ezberdinen multzo bat da, digitaletan edo Interneten exekutatzen delarik, enpresak eta produktuak sustatzeko. Web orriak, sare sozialak, blogak, on line bilatzaileak, publizitatea Googlen, publizitatea hedabideetan, posta elektronikoa marketinean, bideo-plataformak, foroak, etab., kanal guzti hoek Online Marketinaren barruan sartzen dira.

Aspaldi sartu zen Internet gure eguneroko bizimoduan, baina bizi dugun egoera berri honen ondorioz, izugarri zabaldu da honen erabilera. Gaur egun, Internet ia gauza guztietarako erabiltzen dugu; oso ohikoa da Interneten nahi ditugun produktuak edo zerbitzuak bilatzea, bai preziorik onenak bilatzeko (zer nahi dugun badakigunean), bai produktu edo zerbitzu jakin bati buruzko informazioa bilatzeko (oraindik erosteko aukera aztertzen ari garenean).

Marketin Digital-ak lan egiteko hainbat aukera eskaintzen dizkigu, gehienak 5 motatako estrategian banatu ditzazkegularik:

  1. Edukien marketina: zure markaren, eskaintzen dituzun produktu edo eta zerbitzuen berri ematea erabiltzaileei, zure enpresa bezero bihurtzeko momentuan ezagutu eta kontuan har dezaten. Hori blog edo web orri baten bidez egin ahal izango dugu.
  2. Mezu elektronikoaren Marketina: zuzeneko bidalketak posta elektronikoaren bidez, hauek, zure enpresak, lehengo, oraingo edo etorkizuneko bezeroekin duen harremana sustatzeko edo hobetzeko erabiliko dira. Hala here puntu honekin kontuan izan behar da jende askok, kanal hori “inbaditzailetzat” hartzen dutela (nahi ez den publizitate gisa soilik ikusten dute); beraz, kasu hau erabiltzea erabaki ezkero, oso erabakigarria izango da emailetan erabiliko den estiloa/diseinua/edukia, eta bidalketen maiztasuna eta arrazoia ongi aukeratzea.
  3. Sare sozialak: jakinekoa da jende kopuru oso handiek erabiltzen dituztela kanal digital hauek, eta horrek komunikazio-kanal garrantzitsuan bihurtzen ditu enpresen eta kontsumitzaileen artean. Enpresaren marka, produktuak, zerbitzuak eta abar sustatzeko erabil daitezke, betiere kalitatezko edukiak sustatuz. Gainera, artikuluak zure web orriko estekarein lotuta, jendea zure web orri / blogera birbideratu dezakezu, eta, hala, zure enpresak eskain dezakeen guztia erakutsi.
  4. Bilaketa-marketina: ekintza hauen helburua, web orri baten posizioa bilatzaileen lekuetan hobetzea da, Interneteko erabiltzaileek ahal eta hobeto ikus/aurkitu ditzaten. Kasu honetan, SEOren (Search Engine Optimization) estrategia eta teknikei jarraituko zaie, ordaintzeko inbertsioen aukera gehitzeko aukera ere beti egoten delarik.

Marketin Digitalari buruzko zalantzak dituzu ? Zure marka Interneten ikusgai egotea eta zure enpresak emaitzak hobetzea nahi baduzu, jarri lasai gurekin harremanetan. Gure teknikariek zure kasua aztertu eta zuretzat eta zure enpresarentzat egokiena den online estrategia aukeratzeaz arduratuko dira.

Jai zoriontsuak denoi!


Correos, ordenagailuak malware bidez infektatzeko beste modu bat

Egun hauetan Correos-etik email bat jasotzen baduzu, kontuz! iruzur bat izan daiteke, zure ordenagailua infektatu eta zuri dirua kentzeko sortua.

Incibe-k (Zibersegurtasunari buruzko Institutu Nazionala-k) Correos-en lekua hartu nahian dabiltzan iruzurrezko mezu elektronikoen kanpaina baten berri eman du.

Erabiltzaileak jasotzen duen mezuan ustezko pakete bat ematen saiatu direla adierazten da, baina ezin izan dela egin, eta, horregatik, erabiltzaileari gonbita egiten zaio beste helbide batera bidaltzeko, diru-kopuru jakin bat ordainduta noski. Mezuek, Correos-en web helbidea simulatzen duen lotura/link bat dute, baina kontuz, estekan klik egin ondoren, esteka hori web gune maltzur batera bideratzen da, hortik malwarea edo ordenagailua kutsatzen duen birusa deskargatzen delarik.

Incibek antzemandako kanpaina honetan, iruzurrezko posta mota horietan hackerrak malware-mota bat banatzen saiatzen direla jakinarazi dute, klik egiten duen erabiltzaile horren ekipoa kontrolatzeko bereziki diseinatua. Malwareak edo birusak gure ordenagailua kontrolpean duenean, zibergaizkileak ordenagailuan gordeta ditugun datu pertsonalak lapurtu ditzake edo ekipoa beste software maltzur batzuekin kutsatu.

Horrelako mezuren bat jaso baduzu, bertako link-ean klik egin baduzu, eskaneatu lehen bait lehen ordenagailu guztia antibirus batekin.

Eta beti bezala, horrelako iruzurretan ez erortzeko, honako pausuak jarraitzea gomendatzen dugu:

  • Ez ireki, ezabatu, ezagutzen ez dituzun bidaltzaileen emailak.
  • Ez erantzun inoiz horrelako mezu elektronikoei.
  • Email batetan bidali dizuten link edo lotura batetan klik egin behar baduzu, begiratu lehenik lotura horrek irekitzen duen url helbidea
  • Ez fidatu laburtutako loturez
  • Ez fidatu erantsitako fitxategiez, nahiz eta kontaktu ezagunak bidalia izan.
  • Eguneratuta izan ordenagailuko sistema eragilea eta antibirusa. Antibirusaren kasuan, aktibo dagoela egiaztatzen du

Nahi izan ezkero honako estekan irakur dezakezue Incibe-k ateratako alerta oharra: “Correos, nuevo gancho usado por los ciberdelincuentes para distribuir malware

 

 

Zu ere Black Friday eguneko beherapenetara gehitu behar zara?

Black Friday berriro gainean dugun sasoi honetan, ez dago gaizki orain dela urte batzuk idatzi genuen artikulu bat berriro mahai gainera ateratzea. Kasu honetan, artikulu honetan idatzitako puntuak, orain 5 urte bezain baliagarriak eta gomendagarriak dira.

Aurten ere denda asko izan dira Black Friday egunera aurreratu direnak, beraien produktu batzuk (ez denak) aste batzuk lehenago beherapenetan jarriz. Egun hauetan ziur ehunka eskaintza ikusi dituzula bai zure sare sozialen bidez edo Interneteko hainbat web orrietan. Zure email helbidera ere ziur mezu, iragarki bat baino gehiago iritsi zaizkizula, beraz kontuz, hauetariko batzuk faltsuak izan bait daitezke.

Erosketa egun hauek aprobetxatuz egun hauetan interneten gezurrezko online denda asko sortzen dira, batzuk benetako denden izen eta itxura hartu naiean gainera, beste batzuk beraien izen eta itxura desberdinekin, baina denek ezaugarri berdinarekin, erosketaren transferentzia egin orduko, ahaztu zure diruarekin eta zure erosketa ikustearekin.

Beraz hauek dira zure online erosketak gutxieneko ziurtasun neurri batekin egiteko aholku batzuk:

  • Web orri batean sartzen zarenean, web orri ezagun batean zabiltzala pentsatu arren, irakurri ondo orriaren url helbidea, eta orriaren izena edo helbidea ongi idatzita dagoela ziurtatu, ez duela hizkirik ez faltan ez soberan. Adibidez, erosketak.eus izeneko orri batetan egin behar badituzu erosketak, ziurtatu erosketak jartzen duela, eta ez erozketak edo erossketak, e.a.
  • Lehenengo aldia baldin bada web orri horretan nabigatzen duzula, ziurtatu “benetako saltokia-orria” dela. Bilatu berari buruz zerbait foroetan edo egin interneteko bilatzaile ezberdinetan berari buruzko bilaketak. Dendari buruzko balorazioak aurkitzen badituzu (onak edo txarrak), baloratu dena eta erabaki, baina ezertxo ere ez baduzu aurkitzen web orri ori buruz, hobe duzu denda horretan erosketa egiteaz ahaztea.
  • Online denda batetan erosketa egitean, ohikoena lehenik web orrian erregistratzea da. Hau egitean arraroak diren datuak eskatzen badizkizue, hau da erosketarako beharrezkoak ez direnak (zure familiako datuak, zure lan mota, e.a.) ez bete formularioa. Inork ez du behar horrelako daturik erosketa burutzeko beraz ez fidatu.
  • Formularioekin jarraituz, zure bankuko txarteleko datuak betetzean, datuak memorian edo beraien web orrian gordetzeko aukera eskaintzen badizute, ezetz esan.
  • Online-ko erosketak egitean (bankuko txartela erabiltzean batipat), saiatu wifi publikoetara konektatuta ez egotea. Gaizkileentzat konexio hauek dira harrapatzeko errazenak.
  • Eta azkenik, online erosketa egin behar duzun web orriaren helbidea edo url-a begiratzen duzunean, gogoan izan aurretik HTTPS protokoloa eraman behar duela, horrela zu eta web orriaren artean bidaltzen den informazio guztia zifratuta joango da. Horrela ez baldin bada, agian ez zenuke gehiegi fidatu behar. (Honi buruzko informazio gehiago gure blog-ean duzu. HTTPS protokoloa)

Eta azkenik, Black Friday eta Cyber Monday egunak zure online erosketak egiteko aprobetxatzen badituzu ez litzateke gaizki egongo datozen egunetan zure kontu korronteko mugimenduak berraztertzea. Erosketako dirua zuzen murrizten dela baieztatzeko eta baita beste mugimendu arrarorik ez dagoela ziurtatzeko. Erosketa ziurrak izan!

Mehatxu mezuak “pornoa” sarean ikusteagatik

Pornoari loturiko Blackmail edo Sextorzioa berriro indar gehiagorekin dator.

Egun hauetan bezero bat baino gehiago jarri da gurekin kontaktuan, sarean pornografia bideoak ikusten ari zirela grabatu dietela esaten dieten mezuak jaso dituztela esanez.

Honako moduko emailak (ohikoena erderaz edo ingelesez izatea da):

Hola! ¿Ha notado hace poco que ha recibido un correo electrónico desde su propia cuenta? Eso es simplemente porque tengo total acceso a su dispositivo. Llevo un par de meses observándole.

edo:

Tengo un vídeo en el que sale masturbándose en el lado izquierdo, y en el derecho la película que estaba viendo mientras se masturbaba

Hainbesteko igoera izan dute mezu hauek, ze orain hiru egun INCIBE (Zibersegurtasuneko institutu nazionalak) mezu hauei buruzko albistea idatzi zuen beraien web orrian:
​https://www.incibe.es/protege-tu-empresa/avisos-seguridad/detectada-campana-correos-los-se-pide-rescate-evitar-filtracion

Mezu hauetan zure ordenagailua hackeatu dutela esaten dizute, zure kontuko pasahitzak lortu dituztela eta sartu saren web helbide pornografikoak malware bat zuela eta bideo hori ikusten ari zinela grabatu zaituztela. Bideo hori zure kontaktu guztien artean zabaltzeko mehatxua egiten dute.

Baina lasai, ez zaituzte grabatu eta inork ez du zure bideorik. Mezu bera modu masiboan bidali dute, gutxieneko biktima-portzentaje batek ordainketa egitea iadanik errentagarria egiten bait zaie. Normalean mezua bidaltzen duenak ordu edo egun gutxi ematen ditu ordainketa egiteko (gehienetan ez dira oso ordainketa handiak izaten, hori bai, bitcoin-etan), biktimak ez dezan gehiegi pentsatu edo mehatxuaren berri hobeto informatzeko astirik izan.

Oro har, mezu hauek URL edo link bat izaten dute, link horretan klik egitean bideo hori dutela ikusiko duzula esanez. Eta hor hasten dira arazoak; izan ere, esteka horretan klikatzean eta erantsitako programa deskargatzean, zure ordenagailuan ‘ransomware’ bat instalatzen dute. Horrelako programek erabat blokeatzen dute PCa, eta, jakina, online ordainketa edo erreskatea eskatzen dute desblokeatzeko.

Horrelako mezuren bat jaso baduzu hauek dira jarraitu behar dituzun pausoak (eginbehar eta ez egin beharrekoak):

  1. EZ EGIN KLIK MEZUAN AGERTZEN DEN INUNGO LINK-EAN
  2. EZ ERANTZUN EMAIL-a. Honekin zure helbidea baieztatzea besterik ez duzu lortuko, eta ondorioz horrelako mezu gehiago jasotzea
  3. Badakigu gogaikarria dela, baina ohitu zaitez noizbehinka pasahitzak aldatzen
  4. Instalatu antivirus bat

Eta oraindik mezu mota hauei buruz edo jaso duzun bestelako bati buruz zalantzak badituzu (ezin ahaztu bankuetatik bidaltzen dituztela ematen duten gezurrezko email guzti horiek), ez zalantzarik izan eta jarri kontaktuan gurekin. Gure teknikariak zure zalantza guztiak argitzen saiatuko dira.