Responsive logoak, logo moldakorrak

Zure enpresako logoa tamainu eta diseinu grafiko mota ezberdinetara moldatzen da?

Gure blog-eko azken albistean enpresa batzuek beraien irudi korporatiboa aldatzeko izan dezaketen beharraz hitzegin genuen, eta horretarako arrazoi bat bezala beraien identitate bisuala, hau da logo edo logotipoa, plataforma berrietara (web orriak, sare sozialak…) ongi ez egokitzea aipatzen genuen. Gaur guzti honi buruz sakonago hitzegingo dugu.

Responsive web orriak ditugun bezala, hau da, tamaina ezberdineko gailu elektroniko ezberdinetara egokitzen diren web orriak, logoekin gauza berdina gertatzen da eta tamaina ezberdineko gailu elektronikoak erabiltzeak, beraien tamainetara moldatzen diren logo ezberdinak diseinatzeko beharra sortu du.

Hau argi ikus daiteke Coca Cola edo Nike bezalako marka ospetsuekin, beraien logoa gailu ezberdinen arabera moldatzen joaten bait dira. Hemen bi adibideak:

cocacola-logoa-formato-ezberdinak

Coca Cola logo formato ezberdinak

nike-logotipo-aldagarria

Nike logo mota ezberdinak

 

Baina logoaren aldaketa ez dator bakarrik erabiltzen ari garen gailu elektronikoaren tamainaren arabera, logo batek edozein ingurune grafikoetara moldatzeko gauza izan behar du, beraz tamainaren araberako aldaketa egiteaz gain, inguru ezberdinetara moldatuko diren logo horren bertsio ezberdinak eduki beharko dira, hau da, gutxienez atzealde argi eta ilun batetan erabili ahal izango ditugun logoak. Eta honez gain logo monokromo bat izan ezkero oraindik eta hobeto.

Honen adibide argi bat YouTube-k orain gutxi bere logoari egin dion restyling-a dugu. Diseinu berri honetan diseinu grafiko mota ezberdinetara moldatzen diren logoaren hiru moldaketa aurkeztu dituzte:

logotipo-moldakorra

YouTube logotipoa ingurune grafiko ezberdinetara moldatua

Guzti honekin, logo polit bat izatearekin bakarrik ez dela nahikoa ulertu daiteke, logoa egoera ezberdinetan erabiltzeko baliagarria izan beharko du, bai tamaina ezberdineko gailu elektronikoetan (tabletak, telefono mugikorrak…) eta baita kasu ezberdinetan erabili genitzaken gune grafiko ezberdinetarako ere (atzealde argiarekin, ilunarekin).

Logotipo profesional bat diseinatzeko orduan Innova-n bezeroari proposamen bat baino gehiago aurkezten dizkiogu, beti ere bezeroak azaldu nahi duena transmititu nahian eta noski diseinu grafiko profesional eta originalak sortuz. Bezeroarentzat neurrira diseinaturiko logoa, diseinu grafiko mota guztietara moldatuko den logoa: tamaina ezberdineko web orrietan, flyer-etan, katalogoetan, karteletan…

Logotipoen diseinuari edo diseinu grafikoari buruzko zalantzarik izan ezkero jarri lasai gurekin kontaktuan eta gure teknikoak zure lantza guztiak argitzen saiatuko dira.

 

Kurtso berria, itxura berria. Zure enpresako irudia aldatzeko garaia etorri dela iruditzen zaizu? Restyling bat behar duzu?

Diseinu grafikoan restyling hitza erabiltzen dugunean, enpresako markaren diseinu berriari buruz hitzegiten dugu, bere itxura grafikoaren diseinu aldaketaz, hori bai, izenik aldatu gabe. Hau lortzeko enpresako logoan adibidez ukitu batzuk egin daitezke: hitz mota ezberdina erabili, lerroen loditasuna aldatu, tamainua… edo eta itxura aldaketa handiago bat ere bai, hori bai, beti ere puntu finko batzuk kontuan izanik, logoa bezeroentzat aldakuntzaren ondoren ere ezagungarri gera daiteken.

Enpresa batek bere marka edo irudiaren restyling bat behar izateko hainbat arrazoi egon daitezke. Adibidez:

  1. Enpresako itxura gaztetzeko: logoak iadanik urte batzuk dituenean, enpresaren marka edo irudiaren restyling bat egin ohi da, horrela enpresa tendentzi berrietara gerturatuz eta gaur garaiko irudi berri bat emanez.
  2. Sustaketa. Galduta edo bertan behera utzita dagoen marka bat berreskuratu nahi denean, jarrera eta bizitasun berri bat emanez.
  3. Logoa enpresak dituen hainbat lehiakideen logoen oso antzekoa denean.
  4. Identitatea (logoa) gaur egungo plataforma berrietara ez denean ongi egokitzen (web orria, sare sozialak…).

Restyling edo logo aldaketa honen adibide garbi bat YouTube dugu, gaur bertan beraien logoaren restyling edo logo berria argitaratu bait dute. Beraiek esaten duten bezala diseinu aldaketa honekin ez da iraultzarik egin nahi izan, baizik eta logoa “freskatu, eboluzionatu” nahi izan dute. Diseinu berri honetan ‘Play’ botoiari eman nahi izan diote indarra, irudi horrekin gaur egungo bideo formatu denak irudikatzen bait dira.

 

youtube-logo-berria

Beste gauza bat rebranding diseinu eragiketa dugu, hau da, enpresa baten irudi korporatiboaren diseinu aldaketa osoa, askotan enpresaren izena ere aldatuz. Kasu honen atzean honako arrazoiak egon daitezke:

  1. Jabetza aldaketa. Jabe berriek aldaketa erakutsi nahi dute eta ondorioz enpresako irudi korporatibo osoa aldatzen dute.

Rebranding-aren adibide garbia sugundamano.es enpresan dugu, orain VIBBO izenarekin ezagutzen bait da.

Rebranding adibidea… izen, irudi, marka, logo aldaketa osoa

  1. Lehenik enpresak dituen konnotazio txarrak atzean utzi, irudi berri batekin hasieratik hasi berriro.

Iadanik denbora badaramazu zuen logoak enpresa ez duela ongi irudikatzen pentsatzen, berrikuntza bat behar duela, edo besterik gabe zuen logoa ez bazaizu gustatzen edo aldatzea nahi baduzu, ez izan zalantzarik eta jarri gurekin kontaktuan.

Gure teknikariek zuen markaren auditoria profesional bat egingo dute (zuen enpresako baloreak transmititzen dituen ikusi, denboran atzean gelditu al den, oinarrizko diseinu arauak jarraitzen dituen edo ez ikusi, e.a.) eta gaurkotutako marka berri bat izateko beharreko gomendioak egingo dizkizute.

Orri bateko web orrien diseinua

Orain dela aste batzuk gure blog sailean idatzitako artikulu batean orri bakarreko web orriak edukitzeko aukera aipatzen genuen (irakurri aurreko artikulua).

Enpresa batek web orrien diseinu mota hau gehiago nahi izateko orokorrean bi arrazoi egon daitezkela esan daiteke:

Lehena, produktu edo zebitzu berri edo berezi bat promozionatu nahi denean izaten da. Enpresa handi batzuk, produktu berri bat promozionatu nahi dutenean, produktu horrentzako web orri espezifikoak diseinatzen dituzte, orri batekoak. Produktuaren argazki handi eta eder bat jartzen dute, slogan aipagarri bat eta kontaktu datuekin listo. Batzuetan gainera erabiltzaileak bertan klik egitean enpresaren web ofizialera (orri akostakora) berbideratzen ditu. Promozio mota hau adibidez kotxe marka ezagunek askotan egiten duten gauz bat da.

Beste arrazoioa, agian orokorragoa, enpresa interneten izatea da, hau da norbaitek interneten enpresari buruz kontsultaren bat egiten badu, automatikoki enpresaren informazio orokor guztia hor agertzea.

Orri bateko web batek orri berean izaten ditu kontaktu formularioa, kokapen datuak eta enpresaren zerbitzu eta produktu guztien laburpen bat (dena diseinu egoki batekin noski).  Aurreko artikuluan aipatu bezala, gaur egun Google bezalako bilatzaileak lehengo ‘Orri Oriak’ dira. Beraz norbaitek nire enpresa interneten bilatzen baldin badu, nire informazioa agertzea nahi dut eta ez, hau ez delako existitzen, nire lehiakidearenak.

Berdina al da orri bakarreko web orria edo orri askokoa interneten posizionatzea?  Ezbairik gabe, ez.

Orri askodun web bat interneten ongi posizionatzen saiatzen garenean, enpresa horren hainbat produktu edo zerbitzu ditugu lan egiteko. Adibidez, gure kasuan: diseinu grafikoa, logo diseinua, web orrien diseinua… eta noski gure lan guztiak eta bloga. Orri bateko web orria izan ezkero teknika hori ezin izango genuke erabili, eta naiz eta gure zerbitzu guztiak azaldu orri bakar horretan, posizionamendu lanak egiteko orduan mugatuak egongo giñateke. Baina guri orri askodun web orria interesatzen zaigun bezala, baliteke enpresa bat baina gehiagori orri bateko web orria nahiko eta gehiago iruditzea beraien beharretarako, interneten beraien bisita txartel bezala erabilitzeko, hau da, beraien produktu, zerbitzuak eta kontaktu datuak erakustearekin momentuz nahiko dute.  Adibidez, kasu honetan, INNOVA-n orri bakarreko web orri batetara aldatu beharra izango bagenu, agian gure zerbitzu orokorra aukeratu eta hitz horiekin posizionatzen saiatu beharko giñateke, gainera gure lurralde edo lan egiten dugun herriekin lotuz: diseinu grafikoak Gipuzkoan, diseinu grafikoak Azpeitian.

Eta noski, web orria, diseinuz orri bakarrekoa izan arren, responsive motakoa izaten jarraitu beharko du, beraz ziurrenik gailu elektroniko ezberdinetan ikustean bere diseinua ere aldatu egingo da.

Web orri hauei buruzko informazio gehiago jakin nahi izan ezkero, edo zure enpresari horrelako web orri bat ongi etorriko al litzaioken jakitea gustatuko balitzaizuke, jarri lasai kontaktuan gurekin eta ahal dugun guztian lagunduko dizugu.

Euskal Antzerki Topaketak 2017, kartel irabazlea

Kartela, Valen García, gurekin Innova-n lan egiten duen diseinadore kreatiboak diseinatu du.

euskal-antzerki-topaketa-kartela

Euskal Antzerki Topaketak XXXV, kartel irabazlea

Lehen Orri Oriak genituen, orain Google

Aurreko asteko artikuluan inoiz zure enpresako web orria Interneten bilatu al zenuen galdetzen genizun, orain aldiz, Internet, edo hobe esan Google bezalako bilatzaileren bat, behar zenuen zerbitzuren bat (bai pertsonalki edo profesional moduan) aurkitzeko erabili al duzun galdetzen dizugu.

Orain gutxi arte telefono edo enpresaren bat aurkitu nahi genuenean betiko Orri Orietan begiratzen genuen. Herriko iturgin bat behar genuenean, gure herria aurkitu eta bertako iturkiñak begiratzen genituen. Berdin, elektrikari edo beste zerbitzuren bat berhar genuenean. Baina orain hori aldatu egin da. Zihur oraindik sistema hori erabiltzen dutenak egongo direla, baina gero eta jende gehiago da horretarako beraien telefono mugikorra, tableta edo ordenagailua erabiltzen dutenak… bilatzaile bat irekin, behar duzuna idatzi eta listo! eta bestela egin proba. Saiatu ileapaindegi, fisioterapia edo beste zerbitzuren bat aurkitzen zure herriarekin lotuta eta berehala izango duzu aurrean zerbitzu hori eskaintzen duten enpresa zerrenda bat.

Hori da gaurko errealitatea, eta hemendik gutxira ez da opzio bat izango, enpresa guztiak amaituko dute modu batera edo bestera interneten, jendeak hor bilatzen bait ditu gauzak.

Garrantzitsuena sarean ikusgai egotea da eta bezero batek zure enpresa edo zure zerbitzuak bilatzean zu aurkitzea. Ze gauzak diren bezala, adibidez diseinatzaile grafiko bat behar izan ezkero, eta zure herrrialdean eginiko bilaketan bat baino gehiago agertzen bazaizkizu, ba zerrendako lehenei deituko diezu… gero beraiekin hitzegin ondoren, inpresio edo aurrekontu hoberena ematen dizunarekin geldituko zara, baina horretarako lehenik zure enpresak zerrenda horretan egon behar du.

Beraz, oraindik Interneten ez bazaude, norbaitek zuk eskainitako zerbitzuak bilatzean, zure enpresa ez duela aurkitzen ikusi baduzu, badakizu bezero posible bat galtzen ari zarela, beraz web orri bat izateko garaia dela pentsatzen hasi zaitezke.

Badakigu bat baino gehiago atzera bota dezakeela web orri bat egitean pentsatzeak bakarrik. Web orriek normalean hainbat informazio ezberdin izaten dute beraien orrietan, enpresari buruzko istoria, zerbitzuak, produktuak, kontaktu datuak, e.a. eta guzti hau noski kalitateko argazkiak eta ondo pentsaturiko textuekin editatua, beti ere bilatzaileentzat estruktura egokia duen diseinua erabiliz. Eta bai, guzti honek gerora bere fruituak ematen baditu ere, hasiera batetan bere lana eskatzen du, agian zure enpresaren tamaina ikusiz gehiegi ere irudituko zaizu.

Horregatik, guzti hau kontuan izanik, Innova-n orri bateko web orriak ere eskaintzen ditugu. Mota honetako web diseinuak, enpresako informazio guztia orri batetan soilik banatzen den orrietara zuzendua daude. Hainbat orri dituzten web orri konplexuen bezalako posizionamendu opzio ezberdinak ez dituzte eskaintzen, baina ongi konfiguratu ezkero beraien lana egin dezakete, hau da, zure enpresa interneten ikusgai egitea, batipat zure herrialde eta inguruetan egiten diren bilaketetan. Baina web orri hauei buruz sakonago ere hitzegingo dugu hemen beste momentu batean.

Momentuz, ideia hau gustokoa baduzu, jarri lasai kontaktuan gurekin eta zure enpresarentzat dauden aukera guztiak azalduko dizkizugu.