Zergaitik ez da agertzen nire web orria Google-en?

web-orria-ez-da-agertzen

Google-en erantzunen lehen orrietan agertzeak asko lagundu dezake zure enpresa Interneten ezagutzera emateko. Baina baliteke eskaintzen dituzun zerbitzu/produktuen bilaketa bat egitean zure enpresa ez agertzera bilaketako lehen postu edo orrietan, badakizu zure web orria zergatik ez den agertzen?

Enpresa bat baina gehiagok galdetzen digu hori, web orri bat daukat, zergatik ez da agertzen Google-en bilaketa bat egitean? Artikulu honetan zure web orria ez agertzeko arrazoi nagusietako batzuk azalduko dizkizugu:

1. Bilatzaileen motoreek oraindik ez dute zure web orria indexatu

Zure web orria berria baldin bada baliteke Google, Yahoo … bezalako bilatzaileen motoreek oraindik zure web orria ez arakatu izatea. Iadanik gutxienez hilabete batzuk baldin baditu, zerbait gertatzen da.

2. Web orria EZ DAGO optimizatua, ez dago bilatzaileen motorentzako prestatua

Ez da nahikoa web orri bat izatea bilatzaileen erantzunetan agertzeko. SEO teknikak aplikatzea oso garrantzitsua da. Google-ek (edo beste bilatzaile baten programak) zure web orria arakatzen duenean, berau ongi indexatzen lagunduko dion deskribapenak, tituluak, hitz gakoak, eduki egokia eta beste hainbat puntu aurkitu behar ditu. Horrela ez bada oso zaila izango da zure web orria leku egokian agertzea.

3. Web orriko edukiak ez du kalitaterik

Zure web orriko testuak optimizatuta egon behar dute, orri bat diseinatzean jarraitu duzun estrategiarekin bat egin behar dute. Eta kontuan izan edukiak ahalik eta naturalena izan behar duela. Kalitatezkoa baina bere neurrian. Eduki egokirik ez izateak ez badu laguntzen, ‘prestaturiko’ eduki gehiegi izateak ere ez du batere laguntzen, bilatzaileen motoreek hau gehiegizkotzat bezala hartu ezkero zigortu egin bai dezakete.

4. Web orria ez da ongi ikusten gailu elektronikoetan, ez da responsive

Google-ek iadanik orain urte batzuk jakinarazi zuen ofizialki web orrien responsive diseinua oso garrantzitsua izango zela SEO posizionamendu orduan, beraz zure web orriak ez badu responsive diseinua (mugikorretan, tabletetan ez bada ongi ikusten) baliteke zure web orria bilatzaileen emaitzetan ez agertzearen faktore bat izatea, bereziki bilaketa mugikor batetik egin ezkero.

Orain ezagutzen dituzu zure web orria bilatzaileen emaitzetan ez agertzeko faktore batzuk, baina gehiago ere izan daitezke: https segurtasun ziurtagiria ez izatea, sitemap bat ez izatea, web diseinurako software egoki bat ez ibili izatea, e.a.

Guzti hau jakinda, zure web orria bilatzaileetan ikusgai egin ahal izateko erabakiak hartzeko ordua da, Google-ek ongi indexatu ahal izateko, eta sarean dauden bezero guzti horiek zure enpresa ezagutu ahal izateko. Eta hori lortzeko lehen pausoa zure web orriaren analisia da. Ez dudarik izan, zure enpresa ez bada bilatzaileen emaitzetan agertzen jarri kontaktuan gurekin eta zure web orria aztertuko dugu, arrazoiak eta konponbideak bilatzeko, inolako konpromisorik gabe.

 

Web orriak, zerbitzariak eta PHP lengoaia

web-orriak-mantenua

Web orri baten diseinuaz hitz egitean, ohikoena web orri berri bat egiteaz pentsatzea da, baina horrez gain web orrien mantenu lana ere hor egoten da. Gure bezeroei esan ohi diegun bezala, web orri baten lana ez da amaitzen berau iadanik online jartzean. Web orriak funtzionatzen jarraitzeko mantenu bat eskatzen dute, eta gainera, denbora baten ondoren aldaketa garrantzitsuak eskatzea ere ohiko izaten da.

Orain dela denbora bat “Web orriak berritzea beharrezkoa al da” izeneko artikulu bat idatzi genuen. Bertan web orriak noiz berritu behar diren jakiteko puntu batzuek ematen genituen, eta horietako batean gure web orriak gordetzen diren zerbitzariei buruz hitzegiten genuen, gure web orriak hauekin bateragarri izateak zuen garrantzia nabarmenduz. Zerbitzari hauek erabiltzen duten software edo programa garrantzitsu bat PHP izenekoa da, eta gaurko artikulu honetan programak honek gure web orrietan duen eragina ikusiko dugu.

Hitz gutxi erabiliz, PHP kode irekiko programazio-lengoaia bat da eta bere helburua web orri dinamokoak sortzen laguntzea da. Noski erabilgarritasun asko ditu baina gehien bat, eta guri interesatzen zaiguna, web orrien erabileran datza.

Munduan zehar gehien erabiltzen den lengoaia dela esan daiteke, eta honek hacker-entzako oso erakargarri bihurtzen du. Honen ondorioz, PHP kode honen sortzaileak hainbat berrikuntza, hobekuntza egiten dizkie lengoaiari.  Zerbitzariek bertsio berri hauek instalatzen dituzte eta gehienetan ez dute okerreko eraginik izaten gure web orrien funtzionamenduan, guztiz alderantziz, beraien segurtasuna hobetzen dute, baina noizean behin, aldaketa oso handiak izaten dituzte.

Hasieran esan bezala web orriek mantenu orokor bat eskatzen dute, berau sortzen erabilitako txantiloi, CMS programa, plugin edo osagarriak… eguneratu egin behar izaten dira, eta zerbitzariek gure PHP bertsio horrekin, edo aldaketa handirik jasan ez duen beste bertsio berri batekin, jarraitzen duten bitartean eguneratze hauek egitea posible izaten da, baina zer egin PHP bertsio aldaketa handi bat iristen denean, zer egin gure web orriek bertsio berri horrekin ez baldin bada bateragarri? Eta hemen hasten dira bezeroen zalantzak, zer egin? web orria PHP bertsio berritua ez duen erabiltzen zerbitzari batean eduki? Momentuz funtzionamendu egokiaz baina segurtasun hutsuneekin edo web orria birdiseinatu zerbitzari berri eta seguruan funtzionatzeko?

Horrelako kasuetan, INNOVAn bezeroei gauzak argi erakusten dizkiegu. Beraien web orria, ordurarte segurua, laster ez da hain segurua izango eta arazoak ematen hasi daiteke. Zerbitzari berri batetara mugitu beharra dago, PHP programa berrienekin, baina web orriak orain dituen ezaugarri batzuek aldaketa hau ezinezkoa egiten dute. Irtenbide seguru bakarra web orria birdiseinatzea da.

Beraz zure web orria azken denboraldian hain ongi ez doala ikuste baduzu, agian bere diseinua kokatuta dagoen zerbitzariarekin bat ez doalako da.  Zalantzarik izan ezkero jarri lasai gurekin, gure teknikariek, inolako konpromisorik gabe, web orria aztertu eta analisi bat eskainiko dizue.

 

 

Ez utzi bazterrean zure enpresako marka

Enpresa baten identitate korporatiboa bere baloreekin elkar loturik dago, zure enpresa eta bezeroaren arteko lehen komunikazio da, beraz ez utzi denborarekin bazterrean.

Gure azken bi artikuluetan Sare Sozialek zure enpresa sarean ezagutarazteko orduan duten garrantziaz hitzegin dugu. Facebook, Twitter, Instagram… bezalako Sare Sozialek zure marka, eskaintzen dituzun produktu eta zerbitzuak, jendeak ezagutarazten lagundu dezakete. Eta Sare Sozialen bidez ezagutzen zaituen erabiltzaile asko zure web orrira joango dira, bereaz oso garrantzitsua da zure marka web orrian (eta erabiltzen duzun publizitate guztietan) ongi landuta izatea.

Sare Sozial-etan denbora luzean aktualizatu gabeko perfil bat izateak irudi txarra eman baldin badezake, zer esan alde batera utzitako web orri batek. Aspaldiko web orri bat izateak, aktualizatu gabea, informazio atzeratuarekin, salgai ez ditugun produktuekin… enpresa itxi egin dugunaren ideia eman dezake, edo gutxienik seriotasun gutxiko enpresa garela, ez garela berritzen.

Web orri arruntenak ere, noizean behin berritzea eskatzen dute, kontaktu datuak aldatu daitezke, enpresako organigrama, enpresako argazkiak… Eta zer esanik ez gure enpresako marka berritu baldin badugu. Web orria (enpresako paper guztia bezala) gure logo eta irudi berriarekin egokitu beharko dugu, logo berria, kolore berriak, ea.

Eta katalogo, liburuxkei buruz hitzegiten dugunean, zer esanik ez bertan agertzen den informazio guztia berrituta egon behar duela. Adibidez, feria batetara joaten zarenean, bertan erakusten duzun informazio guztia, liburuxkak, kartelak… azken informazioa erakutsi izan behar dute.  Jendeari orain dela 5 edo gehiago urte eginiko katalogo bat erakusten badiezu, profesionaltasun gutxiko irudi bat emateko arriskua duzu. Bai, baliteke katalogo horietan agertzen diren testu eta irudiak lehen aldiz inprimatu zireneko balio bera izatea, baina ziur izan diseinua ez dela batere gaurkoa izango, atzeratua egongo dela eta jendeak hori berehala nabarituko duela.

Katalogo batean iadanaik eskaintzen ez dituzun zerbitzu edo produktuak ez dituzun erakutsiko bezala, online ere ez duzu horrelakorik egin behar. Zure sare sozialean artikuluren bat idazten duzunean, askotan irakurle edo erabiltzaile horrek artikulu horretan klik eginez zure web orrira erakartzea nahi duzu, beraz iadanik saltzen ez duzun produkturik erakutsiko ez diozun bezala, web orria irekitzean “404 orriak ez du existitzen” (“Página no encontrada”) orri ezagun horietakorik ere ez diozu aterako..

Web orriak erabiltzaileei modu argi eta erakargarri baten erakutsi behar die nortzuk garen eta zer eskaintzen dugun. Gure zerbitzuak, eta zer esanik ez produktuak modu egoki baten erakutsi behar ditugu, horrela beraien link edo web helbideak gero Sare Sozialetan erabili ahal izateko. Hau egin ahal izateko laguntza handia izango da produktuak erakusteko kalitatezko irudiak erabiltzen baditugu.

Beraz ez utzi alde batera zure enpresako marka, begiratu zure irudia, logoa eta pentsatu ea restyling bat egiteko ordua den edo ez… begiratu zure Sare Sozialak eta gogoratu hauek ere zure irudia transmititzen dutela, begiratu zure katalogoak, liburuxkak, zure web orria (zure online katalogoa) eta egiaztatu bertan agertzen den informazioa gaur egungoa dela, diseinua barne. Zure bezeroek zure irudirik onena jaso behar dute.

Agian gai honi buruzko artikulu hauek irakurtzea gustatuko litzaizuke:

Web orriak berritzea beharrezkoa al da?, Zure enpresako irudia aldatzeko garaia etorri dela iruditzen zaizu?

Web posizionamenduan beste arrakasta bat

Aurreko urte amaieran Sistemas Esselle enpresaren web orriaren diseinua berritu genuen eta honekin batera bilatzaileen inguruko lana hobetzeko aprobetxatu genuen, helburua enpresak eskaintzen dituen zerbitzuak eta produktuen posizioak hobetzea genuelarik. Hau lortzeko honako SEO estrategia jarri genuen martxan:

  • On-page optimizazio teknika: web orriaren hasierako diseinuaren auditoria egin genuen, diseinu berrirako hobetu genitzakeen puntu teknikoak kontuan hartuz.
  • Web arkitektura eta edukiaren optimizazioa.
  • Produktuen fitxen optimizazioa, bai eduki eta baita diseinu aldetik ere, erabiltzailearentzako eta bilatzaileentzako erakargarriako egiteko asmoz

Disenu berria amaitu genuenetik hilabete batzuk igaro dira, eta web orriaren jarraipen bat eman ondoren, aukeratu genituen hitz gako gehienak, beraien zerbitzu eta produktuekin loturikoak, iadanik lehenengo postuetara igo direla esan genezake. Gako gehienak bilatzaile ezberdinen lehen 10 postuetan ageri dira, batzuk gainera, lehen eta bigarren posizioak ere lortu dituztelarik, honek eginiko lanak izan duen arrakasta erakusten digularik.

Guzti honek SEO lanak jarraipen iraunkor bat eskatzen duela erakusten du, etengabeko lan bat, erantzunak epe ertainera edo eta luzera iristen direlarik ahaztu gabe.

Jarri lasai gurekin kontaktuan zure web orria ikuskatzea nahi izan ezkero edo eta zure web orri eta produktuen posizioa hobetzen lagunduko dizun estrategia bat martxan jarri nahi baduzu.

Sortu duzu zure enpresako fitxa Google-en?

Ez baduzu egin, agian Google berak sortu du zure ordez.

Artikulu honetan Google-en enpresa fitxak zer diren azaltzen saiatuko gara, hau da, Google bilatzailean enpresa baten bilaketa egiten duzunean, eskubi aldeko zutabean agertzen den informazioa. Agian fitxa hau ezaguna duzu, zeuk sortua delako, baina gertatu daiteke besterik gabe topatzea zure enpresako fitxarekin, informazio hori nola sortu den idearik ez duzularik.

Lehendabizi jakin behar duzuna, fitxa hori Google My Business plataformatik datorrela da, Google-k sortua noski, beraien esanetan, enpresek sarean beraien agerikotasuna handiagotzeko. Beraien web orrian adierazten duten bezala: “Tu perfil de empresa aparece cuando los usuarios buscan tu empresa u otras similares en la Búsqueda de Google o en Maps. Con Google My Business, puedes crear y actualizar el perfil fácilmente para que destaque y atraiga a nuevos clientes.”

Google-ek tresna hau lehendabizi martxan jarri zuenean, enpresa askoren fitxak besterik gabe sortu zituen (internet-en aurkitu zuen informazioa erabiliz suposatzen da, Orri Orietan, enpresa direktorioetan, e.a.), beraz baliteke zuen enpresa plataforma horretan izen emana ez egotea, baina hala ere fitxa sortua izatea.

Enpresa fitxa sortua duzuen edo ez jakiteko, bilatu Google bilatzailean zuen enpresa eta begiratu erantzunen eskubiko zutabean zuen enpresako fitxa agertzen den edo ez. Adibidez, gure enpresa bilatzen badugu honako zerbait ikus dezakegu. Goiko zatian agertzen diren irudiak aukeratu ezkero, Google Maps-era eramango zaitu.

enpresa-fitxa-my-business

Bilaketa egin ondoren, enpresako fitxa sortua dagoela (zuek edo Google-ek) ikusten baduzue garrantzitsua da fitxa horren kontrola zuen esku izatea. Fitxa hauen ahultasun bat bertako informazioa edozeinek aldatu dezakeela da, ba bai, irakurtzen duzun bezala, edozeinek aldatu ditzake Google Maps-en agertzen diren fitxetako informazioa.

Oraindik inork bereganatu ez dituen fitxetan, segundu gutxitan edozeinek aldatu dezake bertako helbidea, telefonoa, zerbitzu zerrrenda, e.a. Hau ez gertatzeko irtenbide bakarra Google My Business zerbitzuan izen ematea izango litzateke eta iadanik sortua dagoen fitxa hori zureganatu. Hori egiten baduzu Google-ek ez du aldaketarik egingo datu berriak zurekin egiaztatu arte.

Hau jakinda, zure enpresa iadanik Google-en bilatu baduzu eta zure fitxa bertan agertzen dela ikusi baduzu, galdetu zure enpresan inork honi buruz zerbait ba al dakien, horrela ez bada, hobe duzu lehen bait lehen zureganatzea. Horretarako aukeratu xaguaren bidez fitxan agertzen den “Reclamar esta empresa” opzioa eta jarraitu bertan agertuko zaizkizun pausoak. Opzio hori (edo antzekorik) ez baduzu ikusten iadanik norbaitek fitxa hori beretzat hartu duelako da. Horrela bada, oraindik beste aukera bat duzu fitxa hori benetan zurea dela Google-ei esateko, horretarako fitxa horretako jabetza eskatu beharko duzu. Hemen jarraitu beharreko pausoak: Solicitar la propiedad de una ficha de empresa.

Fitxa ikusten baduzu, ziurtatu bertan agertzen diren datu guztiak zuzenak direla, agian orain denbora asko sortutako fitxa da eta enpresako helbidea edo telefonoa desberdinak izan daitezke. Begiratu baita ere Google Maps-eko puntu gorria, eta ziurtatu enpresa mapan ongi kokatua agertzen dela.

Informazio guzti hau ongi egotea oso garrantzitsua da. Google My Business-eko fitxa hau aukera bikaina izan daiteke zure enpresa sarean zabaldu eta bezero berriak lortzeko, erabiltzaileek zure enpresa Google-en bilatzailean, Google Maps edo Google + -en bilatzean fitxa agertuko bait da (azken hau 2019 urtean desagertuko da).

Zure enpresako fitxa aurkitu baduzu baina honen erabilerari buruz galderak badituzu, edo oraindik fitxarik ez duzutela ohartu bazara eta guzti honi buruz informazio gehiago edukitzea nahiko bazenu, deitu lasai INNOVA-ra eta gure teknikariek zure zalantza guztiak erantzuten saiatuko dira.

Google + -en desagerketari buruz informazio gehiago nahi izan ezkero, gure honako artikulua irakur dezakezue.

Google anuncia el cierre de su red social Google+