Skip to main content
nola-aukeratu-sare-sozial-egokia

Nola aukeratu enpresarentzako Sare Sozial egokiena

Written on . Posted in Bloga, Marketina.

Sare sozial bakoitzak bere publikoa du, eta eduki-estilo jakin bat eskatzen du. Horregatik, aukera egokia egitea, zure markaren helburuaren eta sektorearen eta audientziaren araberakoa izango da. Plataforma guztiak ez dira erabilgarriak negozio guztientzat: funtsezkoa da haien indarguneak identifikatzea eta estrategikoki erabiltzea presentzia digital sendoa eraikitzeko.

Hauek dira plataforma ezagunenetako batzuk. Hona hemen horien ezaugarri nagusienak eta erabiltzeko modua:

Facebook

  • Audientzia: orokorrean 30 urtetik gorako pertsonek erabiltzen dute.
  • Edukia: Facebook enpresentzako plataforma moldakorrenetako bat izaten jarraitzen du, komunitate bat sustatzeko eta zure audientziarekin harremana mantentzeko ezin hobea da.
  • Ezin hobea da: enpresako albisteak, produktuak, promozioak, ekitaldiak… argitaratzeko. Gainera, Facebook Ads-ek (ordainpekoa) kanpainak segmentatzeko aukera ematen du (adinaren, lurraldearen, sexuaren arabera…)
  • Formatua: eduki mota ezberdinak partekatzeko aukera ematen du, hala nola, testua, irudiak, bideoak eta estekak.
  • Zure helburua inguruko bezeroekin interakzioan aritzea edo sarean zehar markaren ezagutza indartzea bada, Facebook-ek oso tresna erabilgarriak eskaintzen ditu.

Instagram

  • Audientzia: publiko objektibo bat nabarmendu behar bada, hau gazteriarena litzateke, 18 eta 35 urte bitarteko pertsonena, nahiz eta benetan adin tartea oso zabala den
  • Edukia: sare erabat bisuala da, markako storytelling-a, influencer bidezko marketina…
  • Ezin hobea da ikusizko produktuak sustatzeko, marka bat eraikitzeko. Iragarki sinpleak baina oso bisualak eta merkeak sortuz, publiko gazte zabal batengana iritsi zaitezke.
  • Formatua: argazkiak eta bideoak partekatzea du helburu
  • Zure negozioa estetikan oinarritzen bada -moda, janaria, bidaiak edo bizitza-estiloan- Instagram ezinbestekoa da.

X (lehen Twitter bezala ezaguna)

  • Audientzia: dezente aldatzen den arren, albiste, teknologia eta hedabideetako profesionaletara jotzen du
  • Edukia: albisteak, iritziak eta estekak partekatzeko erabiltzen da. Bikaina da zuzeneko interakzioen bidez bezeroekin harremanak eraikitzeko
  • Ezin hobea da eguneratze azkarrak partekatzeko, joerazko gaietan parte hartzeko eta bezeroari laguntza eskaintzeko
  • Formatua: 280 karaktere bitarteko mezu laburrak (txioak).
  • Komunikabide, teknologia, kirol eta politikako markek X erabili ohi dute, albisteetan oinarritutako ikuspegia dutelako eta, batez ere, erabiltzailearekin zuzenean elkarreragiteko aukera ematen diotelako.

Lindkedin

  • Audientzia: 25 eta 45 urte bitarteko profesionalak
  • Edukia: B2B kontaktuak dira (business to business), hau da, enpresek beren zerbitzuak/produktuak/lanak beste enpresa edo profesional batzuei erakusteko erabiltzen da
  • Ezin hobea kasu-azterketak, enpresa-lorpenak eta zure enpresa ezagutzera emango duten artikuluak erakusteko, eta nola ez, zure enpresarako langile, talentua biltzeko
  • Formatua: Artikuluak, eguneratze profesionalak eta lan eskaintzak partekatzeko aukera ematen du.
  • Bereziki baliagarria da teknologia, aholkularitza, erreklutamendua eta lege-zerbitzuak bezalako sektoreetarako, horietan funtsezkoa baita esperientzia erakustea eta erreferente gisa kokatzea.

Pinterest

  • Audientzia: 25 eta 45 urte artekoak, baina kasu honetan gehienak emakumeak
  • Edukia: irudi inspiratzaileak eta produktu edo zerbitzuetarako estekak partekatzean datza.
  • Ezin hobea da zure produktuak modu bisualean erakusteko, zure ikusleak inspiratzeko eta zure webgunera trafikoa zuzentzeko
  • Formatua: eduki bisuala, hala nola infografiak, DIY aholkuak, errezetak, produktuak
  • Tresna baliotsua izan daiteke moda, etxeko dekorazioa, elikadura eta ezkontzak bezalako enpresentzat.

TikTok

  • Audientzia: audientzia gaztea, batez ere nerabeak eta millennials
  • Edukia: sormena eta entretenimendua dira puntu garrantzitsuenak, bideo laburrak, sortzaileak, dibertigarriak eta, zergatik ez, informatiboak.
  • Ezin hobea da publiko gaztearengana iristeko, eduki entretenigarri eta biralak partekatzeko, influencer-ekin lankidetzan aritzeko eta zure markaren nortasuna erakusteko
  • Formatua: bideo laburrak eta sortzaileak, 15 segundotik 10 minutura arte iraun dezakete, beraz, zure edukirako iraupen egokiena aukeratu dezakezu
  • Zure helburua publiko gaztearekin konektatzea eta eduki dinamiko eta entretenigarria partekatzea bada, TikTok aukera bikaina da zure marka nabarmentzeko.

Youtube

  • Audientzia: oso audientzia anitza, adin guztietakoa
  • Edukia: tutorialak, produktuen erakustaldiak, blogak, entretenimendua… oraindik ere munduko bideo-plataformarik handiena da
  • Ezin hobea da heziketa edo entretenimendu edukia partekatzeko, produktuak edo zerbitzuak sustatzeko marketin-bideoaren bidez
  • Formatua: iraupen eta formatu ezberdineko bideoak
  • Zure helburua komunitate bat eraikitzea eta zure marka edo enpresa jendearen artean ezaguztaraztea bada, YouTubek aukera ugari eskaintzen ditu.

Sare sozialen aukeraketa, laburbilduz

Sare sozialetan presentzia aktiboa kudeatzeak denbora, ahalegina eta baliabideak eskatzen ditu. Kontuan hartu zenbat denbora eta baliabide eskain diezaiokezun plataforma bakoitzari erabaki bat hartu aurretik. Aztertu plataforma bakoitzaren ezaugarriak, zure ikusleak, definitu zure marketin-helburuak eta erabaki zure inbertsioa optimizatzeko, zure xede-publikoarekin konektatzeko eta onlineko mundu lehiakorrean arrakasta lortzeko aukera emango dizun sare soziala.

Zure negozioak ez du sare sozial guztietan egon beharrik. Garrantzitsuena zure enpresak behar duen audientzia eta zure markaren estilora hobekien egokitzen diren plataformak hautatzea da. Instagramen historia bisualak partekatuz, Facebooken komunitate aktiboak eraikiz, LinkedInen lotura profesionalak sortuz edo TikTok-en momentuko joerekin bat eginez, beti egongo da sare ideal bat enpresa bakoitzarentzat.

Badakigu sare sozialak erabiltzeak denbora eta energia kentzen dituela. Behar bezala kudeatzeko denborarik eta baliabiderik ez baduzu, deitu eta hitzegin gure teknikariekin. Marketin digitaleko enpresa batek zure online presentzia eralda dezake, eta zure marka urrunago eraman.

Googlek zuzenean erakusten ditu bere IAren erantzunak

Written on . Posted in Bloga, Teknologia & Internet.

Martxoan, Googlek honako post bat gehitu zuen bere blogean, ‘La Vista creada con IA en la Búsqueda llega a Europa’, hau da, bere Adimen Artifizialeko Sistemak (Gemini) laburpen bat egiten du aurkitzen dituen erantzunekin, eta informazio hori erakusten dio erabiltzaileari. Horrela, bilatzen ari denari buruzko informazio zehatza ematen du, erabiltzaileak gehienetan ez daukalarik gehiagorako beharrik.

IA overview-ak, bilaketen emaitzen goialdean agertzen den textua, Adimen Artifizialak sortutako laburpenak dira eta Espainian Googlek, IArekin sortutako ikuspegiak bezala izenpetu ditu (abisu gisa erakusten duten testu bera).

Pertsonalki, nahiko eraginkorra dela uste dugu, eta lehen orrialdeko (edo bigarren orrialdeko) hainbat estekatan begiratzen bagenuen gehien asetzen gintuen emaitza aurkitu arte, orain IAren laburpena irakurri dugun gehienetan, Google-k informazio horren iturria adierazten duen esteketara ez gara sartu ere egin.

Nola aurkezten dira laburpena eta estekak IA Overview-n?

ia-overview-resumen-enlaces

Lehenik eta behin esan behar da Googlek argi erakusten duela IArekin sortutako textu bat dela ‘Vista creada con IA’ textua goikaldean erakutsiz, hau da, adimen artifizialak sortutako laburpena dela. Testu edo paragrafo hoietan hainbat lotura ikono txiki agertzen dira, horietan klik egin ezkero, alboan panel aktibazen da (goiko irudiko eskuineko atala), bertan textu hori sortzeko Googlek erabili dituen iturriak agertzen direlarik.

Googl-en IAk erreferentzi bezala erabili dituen web orriak erakusteko erabiltzen duen panela dela esan genezake, bertan hainbat datu agertzen zaizkigularik: testua hartu duen gunearen izena, erabilitako orriaren izenburua, argitaratze-data, edukiaren laburpen bat, eta irudiaren miniatura. Hau guztia klikagarria da eta, orain bai, elementu horietako edozeinetan klik egitean Googlek erreferentzia gisa hartu duen webgunera eramango zaitu.

Laburpen batzuetan, testuko hitz bat edo bi nabarmenduta, ohiko esteka batekin ikusiko dituzu; horiek bai, horiek zuzenean daramate iturri-webgunera. Webgune horientzat Google-en ‘sari’ bat bezala hartu daiteke hau.

Laburpenaren azpian, erantzuna zabaltzen duen «Erakutsi gehiago» botoia agertu ohi da. Mugikorretan esan behar da ikuspegi orokor hau ez dela hain argia. «Gehiago erakutsi» botoia ere agertzen den arren, iturriak erakusteko «IArekin sortutako ikuspegia» oharraren ondoan agertzen diren ikonoak ukitu behar dituzu. Hori egitean, laburpenaren zati hori elikatu zuten orrien zerrenda bistaratzen da.

Xehetasun interesgarri bat aipatzekotan, iturri horiek ez datozela beti bat bizitza osoko lehen 10 emaitza organikoekin da. Hau batzuk Google-en erantzunen barruan webgune berriek ikusgarritasuna irabazteko aukera berri bat bezala hartu dezakete… baina zoritxarrez ez du horrela funtzionatzen.

Lehen posizioetan egoteak ez du klika ziurtatzen

Sistema berri hau ez dator eztabaidarik gabe. Izan ere, gure esperientziaren arabera, Googlek bere IA-rekin ematen digun erantzuna nahikoa izan da askotan… hau da, ez dugu beste webguneko esteketan sartu beharrik izan. Pentsa zer esan nahi duen horrek lehen postuetan agertzen denbora eta dirua inbertitzen duten enpresentzat: bisita gutxiago, klik gutxiago eta, ondorioz, aukera gutxiago.

Ondorioa

Inteligentzia Artifiziala-rekin egindako bilaketa hauek gero eta indar gehiago izango dute, gustatu ala ez. Alde batetik, egia da denbora aurrezten digula, asko errazten du behar duguna aurkitzeko orduan. Baina, bestetik, kolpe latza da hedabide eta webguneentzat, trafikoa eta irakurleak galduko baitituzte halabeharrez.

Horrez gain, ez da puntu garrantzitzu bat ahaztu behar: Geminik sortutako erantzunak faltsuak edo okerrak izan daitezke. Laburpena oso ondo idatzita egon arren, ez da beti %100 fidagarria. Izan ere, «Erakutsi gehiago» botoia zabaldu eta bukaeraraino iritsiz gero, ohartarazpen bat ikusiko duzu letra txikian: «IAren erantzunek akatsak izan ditzakete. Informazio gehiago».

Eta ez da kasualitatea. Estatu Batuetan, Googlek arazo bat baino gehiago izan du AI Overview-ko laburpenekin. Beraz, ez gelditu IAk emandako erantzunarekin bakarrik, eta kontrastatu informazioa beti baliozkotzat eman aurretik.

Web orri bat diseinatzean saihestu beharreko erroreak

Written on . Posted in Bloga, Web orriak, SEO.

1. Letra larriak gehiegi erabiltzea

Bai, letra larriek atentzioa ematen dute, baina testu osoan erabiltzen badituzu, oihuka ari zarela dirudi, eta, gainera, nekatu egiten du bistan. Lerru larriak, izenburu laburretarako, “EROSI” bezalako botoi garrantzitsuetarako edo menuetarako erreserbatu. Testu normalean hobe ez.

2. Irakurtzen zailak diren tipografiak

Asko kargatutako iturriak, “script” edo “hand draw” motakoak, politak izan daitezke baina deserosoak gertatzen dira testu luze batean irakurtzeko. Nahi baduzu, erabili izenburu puntualen batean, baina ez webguneko tipografia nagusi gisa.

3. Menu konplexuegia

Menuko opzioetan nabigatzea ahalik eta errazena eta intuitiboena izan behar du, erabiltzaileaak ahalik eta klik gutxienekin aurkitu behar du bilatzen ari dena.

4. Paragrafoak, testu-bloke oso luzeak

Inori ez zaio gustatzen testu bloke itzel bati aurre egitea. Informazioa baliagarria izan arren, irakurlea larritu egiten da. Edukia azpitituluekin, letra lodiekin eta zuriuneekin banatzen saiatu. Eta kontuan izan ordenagailuan luze ikusten dena, mugikorrean infinitua dela.

5. Oso eduki gutxiko orrialdeak

Ez du ezertarako balio lerro pare bat edo irudi eta testu labur bat dituen orriak edukitzeak: hutsak dirudite, eta ez dira batere profesionalak. Kasu horietan, hobe da informazio guzti hori orri bakar batean biltzea.

6. Kalitate gutxiko edo eguneratu gabeko edukia

Edukia da zure webguneari balioa ematen diona. Idatzitakoak garrantzirik ez badu edo zaharkituta badago, erabiltzaileek interesa galduko dute eta zure orria sinesgarritasunik gabe geratuko da.

7. Irudi astunegiak

Ez igo argazkiak mugikorretik edo kameratik ateratzen diren bezala, tamaina izugarria izaten baitute eta webguneak kargatzeko denbora gehiegi behar izatea eragiten baitute. Optimizatu eta doitu bereizmena benetan behar duzun tamainara. Saiatu 300 KB baino gehiago ez izaten.

8. Diseinu bakarra gailu guztietarako

Gaur egun, funtsezkoa da zure webgunea ondo ikustea ordenagailuan, tabletan eta mugikorrean. Erabili responsive diseinua eta berrikusi goiburuak, irudiak eta menuak formatu desberdinetan (bertikalean eta horizontalean) nola erakusten diren. Zerbait deskoadratzen bada, doitu.

9. SEO teknikak erabiltzeaz ahaztu

Diseinurik onena izan arren, bilatzaileek ezin badute orria behar bezala arakatu, ez du ezertarako balio; erabiltzaileek ezingo zaituzte aurkitu, eta bezeroak erakartzeko aukera galduko duzu.

10. Ezkutatu harremanetarako datuak

Beti agerian izan zure harremanetarako datuak. Egokiena menuan harremanetarako orri bat izatea eta orri-oinean ere datuak erakustea da. Ezkutatzen badituzu, mesfidantza sortuko duzu eta erabiltzailea idatzi gabe joango da.

Ondorioa

Gure esperientziagatik, hauek dira web orrien diseinuan saihestu behar dituzun eta oso kontuan izan behar dituzun 10 akats nagusiak.

Eta nahiago baduzu zure webguneaz profesional talde bat arduratzea, ez izan zalantzarik INNOVAn espezialistak gara era guztietako enpresentzako webguneak diseinatzen. zure beharren araberako webgune bat sor dezakegu, guztiaz arduratuko garelarik, ezertaz arduratu beharrik izan ez dezazun.

Nola kudeatzen dira Google fitxan jasotako aipamenak?

Written on . Posted in Bloga, Marketina.

Google fitxan jasotako aipamenen garrantzia

Googleren aipamenak ez dira iritziak bakarrik: gaur egun giltzarrietako bat dira bezero berriak erakartzeko eta zure negozioaren ospeari indarra emateko. Izan ere, jende gehienak kontsultatzen ditu lokal batera sartu edo zerbitzu bat kontratatu erabaki aurretik. Puntuazio onak eta iruzkin positiboek konfiantza transmititzen dute, eta asko handitzen dute zu aukeratzeko aukera.

Lehen inpresioa: aipamenak berehala agertzen dira Googleren emaitzetan eta Google Maps-en. Zure negozioak puntuazio baxua badu edo aipamenak ondo kudeatzen ez badituzu, pertzepzio negatiboa zure atea zapaldu aurretik ere sor daiteke.

Lehenik eta behin, ba al dakizu nola ikusi zure negozioari buruzko aipamenak Googlen?

  1. Hasi saioa zure Google kontuan.
  2. Aukeratu zure establezimendua Googleren Enpresen Profilean (Google My Business)
  3. Erreseinen atalean nabigatu.

Zure kontuan sartuta, zure bezeroek/erabiltzaileek utzi dizkizuten iritziak erantzuteko ordua da, ikas dezagun nola erantzun utzi dizkizuten aipamen horiei:

  • Ohar positiboei erantzuteko modua:
    • Aprobetxatu aipamen positibo bakoitza modu hurbil eta pertsonalizatuan eskertzeko. Bezeroaren esperientziari buruzko gauza zehatz bat aipatzen saiatu, lotura indartu eta arreta erakutsi.
    • Adibidez: Eskerrik asko Amaia zure aipamen positiboagatik! Gure ostatuan zure egonaldiaz gozatu zenuela jakiteak pozten gaitu. Ea laster ikusten zaitugun berriro!
  • Aipamena negatiboei erantzuteko modua:
    • Lehenik eta behin, ez erantzun inoiz presaka, ezta defentsiboki ere. Hartu une bat eta erantzun lasai.
    • Ahal bada, arazoa onartu eta irtenbide bat eskaini diru-itzulketa bat, zuzeneko harremanetarako kanal bat edo itzultzeko eta esperientzia hobetzeko gonbidapen bat izan daiteke.
    • Adibidez: «Asko sentitzen dugu zure esperientzia onena izan ez izana, Ion. Arazoa konpundu ahal izateko, zurekin hitzegitea gustatuko litzaiguke. Mesedez, jarri gurekin harremanetan [email edo telefonoa].»

Horrelako aipamenez gain, kontuan izan behar duzu batzuek ez dutela errealitatea nahita islatuko, hau da, zure negozioa edo sinesgarritasuna kaltetzeko apropos sortutako iruzurrezko aipamenak izan daitezkela. Kasu horietan, saiatu urrats hauek jarraitzeaz:

  • Aipamenen bat berrikusi ondoren susmagarria iruditzen bazaizu, lehendabizi saiatu identifikatzen, hau da, saiatu egiaztatzen egilea benetako bezeroa den eta bere iruzkina eskaintzen duzun zerbitzuarekin koherentea den edo ez.
  • Erreseina maltzurra dela pentsatzen jarraitzen baduzu, jarri harremanetan Googlerekin salaketa jartzeko. Horretarako:
    • Ikusi iruzkin hori zure negozio-profiletik.
    • Egin klik aipamenaren ondoko 3 puntuetan.
    • Hautatu «Markatu desegoki gisa» edo «Salatu aipamenak» opzioa.
    • Bete formularioa, eta azaldu zergatik iruditzen zaizun desegokia.
    • Googlek egun batzuk beharko ditu zure eskaera ebaluatzeko, beraz hartu lasai. Googlek uste badu aipamena faltsua edo desegokia dela, ezabatu egingo du. Hala ere, ez da beti horrela gertatzen, Googlek irizpide espezifikoak baititu eduki faltsua edo maltzurra den zehazteko.
  • Eta Googlek erreseina ebaluatzen duen bitartean, modu profesional eta argian erantzun. Azaldu zure ikuspuntua konfrontaziorik gabe, eta saiatu frogatzen erreseina ez datorrela bat esperientzia erreal batekin.

Aipamenen garrantzia SEOan

  • Posizionamendu hobea tokiko bilaketetan (SEO lokala): Googleren iritziz, aipamenak funtsezko faktorea dira tokiko bilaketen eta Google Maps-en emaitzak ordenatzeko. Balorazio positibo kopuru handiak, negozioaren erantzun aktiboekin batera, lehiakideen aurrean nabarmentzeko aukerak areagotzen ditu.
  • Googleren «map pack»ean eragina: Map pack delakoa tokiko emaitzen goiko aldean agertzen den hiru negozioko bloke hori da. Aipamen onak izateak asko handitzen du espazio pribilegiatu horretan agertzeko probabilitatea.

Aipamen hauek, bezeroek zure negozioa zergatik aukeratzen duten erakusteko modu zuzena dira. Zure produktu edo zerbitzuen kalitateari buruzko benetako iritziak salmenta-argudio handi bihur daitezke. Gainera, aipamen bakoitzari —positiboa zein negatiboa izan— erantzuteak erakusten du bezeroak baloratzen dituzula eta profesionaltasunaren eta gertutasunaren irudia indartzen du.

Zure negozioa zure arloan aukeratua izatea nahi baduzu, maximizatu zure online presentzia eta kudeatu zure Google profila. Horretarako denborarik ez baduzu edo profesionalen eskuetan utzi nahi baduzu, jarri gurekin harremanetan eta gure teknikariak arduratuko dira guztiaz.

Web-orri bat diseinatzeko oinarrizko arauak

Written on . Posted in Bloga, Web orriak, SEO.

1. Web-orriaren xedea definitu

Hasi baino lehen, zure orriarekin zer lortu nahi duzun pentsatu behar duzu. Produktuak saldu, zure zerbitzuak ezagutarazi edo besterik gabe informatu? Helburua argi izateak markatuko du diseinu osoaren norabidea.

2. Erabilerraza izan dadila

Webguneak argia eta ibilerraza izan behar du. Korapilorik ez: menu sinpleak eta ibilbide laburrak, erabiltzaileak nahi duena denborarik galdu gabe aurkitu dezala.

3. Diseinu garbia

Saihestu elementu bisual eta eduki gehiegia; kasu honetan, gutxiago gehiago da. Diseinu garbiak distrazioak saihesten ditu eta zure bisitariak garrantzitsuenean kontzentratzen laguntzen du: zure webgunera iritsi ziren ekintza betetzea.

4. Mantendu koherentzia estiloan

Kolore, tipografia eta estilo bisualen gama bera erabili orri guztietan. Horrek konfiantza sortzen du eta zure marka indartzen du. Ez da beharrezkoa orrialde guztiak berdin-berdinak izatea, baina bai estilu bera izatea, esperientzia uniforme eta atsegina izan dadin.

Mugatu letra-kopurua (ahal dela, bi), eta ziurtatu argiak eta irakurterrazak direla.

5. Abiadura eta errendimendua optimizatzen ditu

Webgune geldo batek bisitariak izutzen ditu. Irudien eta elementuen pisua murriztu, orria azkar eta erraz kargatzeko.

6. Kalitatezko edukia

Informazio erabilgarria, argia eta ondo antolatua partekatu. Edukiak zure estiloa izan behar du eta zure markaren nortasuna islatu behar du.

7. Zure gunea hainbat gailutarako diseinatu, hau da, Responsive izan dadila

Zure webguneak edozein gailutan ongi ikusi eta funtzionatu behar du: ordenagailuan, tabletan edo mugikorrean.

8. SEO, optimizazio praktikak erabili

Optimizazio-jardunbide egokiak aplikatu hasierako diseinutik. Horrela, Google eta gainerako bilatzaileen lehen emaitzetan agertzeko aukerak handituko dituzu.

9. Segurtasuna

Babestu zure webgunea HTTPs eta SSL ziurtagiriekin, eduki dena eguneratuta, erabili pasahitz seguruak eta segurtasun-kopiak, eta instalatu mehatxuak blokeatzen dituzten segurtasun-neurriak.

10. Eman ukitu berezi bat

Inspirazioa web-diseinuko beste adibide batzuetan bilatzea baliagarria izan daiteke, baina bakarra izatea ere garrantzitsua da, zure marka eta mezua argi propioarekin erakustea. Ez kopiatu funtzionatzen dutela diruditen beste webgune batzuk, zure enpresaren eta zure erabiltzaileen helburu espezifikoak haurtu behar dituzu kontuan.

Eta azkenik, eta kontraesana badirudi ere, «arauak hausteko daude». Web-orri bat diseinatzeko orduan arau batzuetan oinarritzea garrantzitsua den arren, egia da, halaber, zu zarela inork baino hobeto dakiena zer nahi duzun web-arekin eta nolakoak diren zure erabiltzaileak. Zure bezeroei ezohikoa gustatzen zaiela baldin badakizu, «kargatua» doakiela, «oso gauza deigarriak», saia zaitez hori bera egiten. Azkenean, garrantzitsuena zure webguneak zure erabiltzaileentzat funtzionatzea eta bere helburua betetzea da.

Nola aukeratu hosting onena zure web edo posta elektronikorako?

Written on . Posted in Bloga, Teknologia & Internet.

Hosting onena aukeratzeko, lehenik eta behin zure webgunearen eta postaren beharrak definitu, hornitzaileen ospea ikertu, errendimendua, banda zabalera, disko espazioa eta segurtasuna bezalako planak eta zerbitzuak alderatu. Eta noski, ziurtatu 24/7 laguntza teknikoa eta kontrol-panel lagunkoia eskaintzen dituela.

Jende gehienak uste ez bezala, postako hosting-a bakarrik edo webgunerako hosting-a bakarrik kontratatu daiteke. Aukera zure beharren arabera izango da: postarako bakarrik balio duen hosting-ak posta profesionaleko postontziak eskaintzen dizkizu, web orririk gabe; web hosting motak aldiz, zure web orria ikusteko behar dituzun fitxategiak ostatatzeko da, posta elektronikorik gabe. Ohikoena aukera duala eskaintzen duen zerbitzua aukeratzea da, hau da, bai webgunea eta posta elektronikoko zerbitzua barne hartzen dituena, hala ere, hasieran esan bezala, dena zure beharren arabera doa.

Zein ezaugarri izan behar ditu nire web edo/eta posta elektronikorako aukeratzen duen hostingak?

Lehen adierazi dugun bezala, hosting onena aukeratzeko, lehenik eta behin zure webgunearen edo/eta zure posta elektronikoaren beharrak definitu behar dituzu eta ondoren hosting plan bakoitzak eskaintzen dituenarekin aldaratu. Adibidez:

· Posta soilerako hosting-a (email profesionala): zure enpresako helbide elektronikoen kudeaketa eta biltegiratzea. Ziurtatu hosting-ak gutxienez honako puntuak eskaintzen dituela:

  • Mezuak gordetzeko nahikoa leku
  • Spamaren aurkako iragazkiak
  • Segurtasun aurreratua
  • Zure postara webmail bidez sartzeko aukera
  • Kalitatezko laguntza teknikoa eskuragarri 24/7
  • Erabiltzaile-interfaze erraz eta intuitiboa duen kontrol-panela

· Web-erako hosting-a: zure web-orriko fitxategiak gordetzen eta kudeatzen ditu, Interneten ikus daitezen. Ziurtatu planak gutxienez honako puntu hauek eskaintzen dituela:

  • Zure webguneko fitxategiak gordetzeko nahiko leku
  • Abiadura eta errendimendu handia
  • Segurtasun-neurriak, SSL ziurtagiriak eta segurtasun-kopia automatikoak.
  • Kalitatezko laguntza teknikoa eskuragarri 24/7
  • WordPress eta Joomla bezalako CMS ezagunekin bateragarria
  • Gunearen hazkundeari egokitzeko eskalabilitatea
  • Erabiltzaile-interfaze erraz eta intuitiboa duen kontrol-panela

Gure gomendioa? Hosting enpresarik ezagutzen ez baduzu, hartu ikertzeko, alderatzeko eta galdetzeko denbora erabaki aurretik. Ohikoa da, zure lehen hosting-a kontratatzean, prezioa lehenengo finkatzea. Eta zentzua du. Hala ere, merkea garesti ateratzen da askotan.

Konparatu gabe aukeratzen baduzu, erraza da erakargarriak ez diruditen baina baldintza desegokiak ezkutatzen dituzten eskaintzei men egitea: ustekabeko prezio-igoerak, sartu gabe dauden oinarrizko funtzioak edo gehien behar duzunean desagertzen den euskarri teknikoa.

Prezio guztiek ez dute esanahi bera, begi hutsez hala badirudi ere. Hornitzaile batzuek sarrera-tarifa oso baxuak erakusten dituzte, baina gero ezkutuko karguak gehitzen dituzte edo kostua izugarri igotzen dute berritzerakoan. Hori oso ohikoa da plan ekonomikoenetan, non lehen urteko eskaintza oso erakargarria izaten den, baina gero zure webgunea mantentzea askoz garestiagoa da. Eta noski, hosting-a aldatzea zure orria martxan dagoenean benetako buruko mina izan daiteke.

Horregatik, garrantzitsuena ez da bakarrik zenbat ordaintzen duzun lehen urtean, baizik eta zenbat kostatuko zaizun zure webgunea aktibo edukitzea epe luzera. Ikertu, irakurri aipamenak, kontsultatu zuzenean hornitzaileekin eta egin beharrezko galdera guztiak erabaki aurretik.

Eta zalantzarik baduzu, norbaitek zuretzat eta zure enpresarentzat hosting-planik onenean aholkatzea nahi baduzu, ez izan zalantzarik, deitu eta gure teknikariek lagunduko dizute urrats guztietan.

Iragarkiak WhatsAppera iritsi dira

Written on . Posted in Bloga, Teknologia & Internet.

WhatsApp 2012an atera zenean, bere sortzaileek, berian blog ofizialean post bat argitaratu zuten, euren programan zergatik ez zuten iragarkirik salduko azalduz eta horrela izan zen. Bi urte geroago, Metak, oraindik Facebook, 19.000 milioi dolarren truke erosi zuen eta zurrumurruak berehala hasi ziren.

Itxura guztien arabera, denbora gutxian hasiko ginen iragarkiak ikusten gure txat-etan, baina Facebookek 2019-2020an gauzak hortik zihoazela zioten aurre-abisu batzuk eman arren, azkenean dena lasaitu zen, eta iragarkiak airean geratu ziren, aste honetara arte, astelehenean, ekainaren 16an, WhatsAppeko iragarkiak ofizial egin ziren arte. Hau nola egiten ari diren azalduko dizuegu:

Oraingoz, WhatsApp hiru iragarki mota erakusten ari da (gaur, ekainak 19):

  • Iragarkiak estatuetan: Instagram edo Facebookeko istorioetan bezala, zure kontaktuen egoerak ikusten dituzun bitartean, promozio argitalpenak edo iragarkiak tartekatuko dira.
  • Sustapen-kanalak: Kanalen direktorioa arakatzean, zure bilaketari lotutako emaitzez gain, publizitate-edukia izateagatik nabarmendutako kanalak ere erakutsiko dira.
  • Kanalen harpidetzak: Kanal batzuek eduki esklusiboa eskaini ahal izango dute ordainpeko harpidetzen bidez. Hau da, harpidetzen diren erabiltzaileek sarbidea izango dute kanala doan jarraitzen dutenentzat eskuragarri egongo ez diren argitalpenetara.

Zer motatako iragarkiak erakutsiko ditu WhatsAppek? Erabiltzaieen pribatutasunean eragina izango dute?

Publizitatea iritsi dela iragartzean, WhatsAppek erabiltzaileen pribatutasuna mantenduko duela ziurtatu du. Mezuek, deiek eta egoerek alde batetik, bestera zifratuta egoten jarraituko dute, eta horien edukia ez da erabiliko iragarkiak pertsonalizatzeko. Hala ere, datu batzuk erabiliko dira, hala nola herrialdea, hizkuntza, jarraitutako kanalak edo iragarkiekiko elkarrekintza. Hori bai, erabiltzaile batek bere WhatsApp zenbakia Meta kontu zentroarekin lotzen badu, honek Facebook eta Instagramekin lortzen duten informazioarekin gurutzatuko dute publizitatea are gehiago pertsonalizatzeko. Era berean, iragarkiren baten gainean klik egiten baduzu, seguruenik mota horretako iragarki gehiago agertuko zaizkizu.

Laburbilduz

Publizitatea «Nobedadeak» fitxan bakarrik agertuko da (egoerak eta kanalak), ez txatetan ez eta pantaila nagusian. Oraingoz txatak iragarkirik gabe daude bai, baina kontuan izanik WhatsAppa egunero 3.000 milioi erabiltzailek erabiltzen dutela, ez litzateke harritzekoa izango Metak etorkizunean publizitatearen presentzia handitzea aztertzea, eurek dioten bezala «beti ari dira aukera berriak ikertzen».

Internet-en bilatzaileak eta beraien arteko desberdintasunak

Written on . Posted in Bloga, Teknologia & Internet.

Interneteko bilatzailea edo bilaketa-motorra Internet edo online dauden mundu osoko web-zerbitzarietan gordetako fitxategien artean informazioa bilatzen duen sistema informatikoa da. Duela pare bat hilabete idatzi genuen post batean ikusi genuen bezala (Nabigatzaile eta bilatzaile ezagunenak), hemen zein mundu osoan gehien erabiltzen diren bilatzaileak Google eta Bing dira, beste hainbaten artean.

Nola funtzionatzen du bilatzaile batek?

Erabiltzaile batek galdera bat egiten duenean, bilaketa-motorrak galdera horretan erabilitako hitzak (gako-hitzak) erabiltzen ditu bilaketa bat egiteko, eta ondoren erabiltzaileari erantzunen zerrenda edo web-helbideak aurkezten dizkio, horien artean aukeratu ahal izateko.

Hona hemen 2025. urte honetan estatu mailan gehien erabili diren bilatzaileen grafikoa (statcounter-ek emandakoa).

2024ko datuekin alderatuz gero (nabigatzaileei eta bilatzaileei buruzko gure aurreko postean ikus dezakezuen bezala), Google da nagusi, alde handiarekin gainera.

Ikus ditzagun Interneteko bilatzaile erabilienen ezaugarriak eta haien arteko aldeak:

  • Google: zalantzarik gabe, bilatzailerik erabiliena, ez bakarrik estatu mailan, baita mundu mailan ere, merkatu kuota globalaren % 90 baino gehiagorekin. Zerbitzu osagarri ugari eskaintzen ditu, hala nola Google Maps, Google News eta Google Images, eta horiek bilaketa-esperientzia aberasten dute, informazioa hainbat formatutan ematen baitute. Bere indargunea emaitzen azkartasunean eta zehaztasunean datza, bere algoritmo aurreratuei esker.
  • Bing: Microsoftek kudeatzen du, eta % 2,5 inguruko merkatu-kuota globala du. Googleren domeinua kontuan hartuta ez da baztertzeko kuota. Azken urteotan, adimen artifizial aurreratua txertatu du bere emaitzen kalitatea eta garrantzia hobetzeko, aurrerapen nabarmena eginez.
  • Yahoo: Interneteko lehen bilatzaileetako bat izan da, eta Google eta Bing bezalako lehiakideen aurrean lekua galdu du, nahiz eta oraindik presentzia mantentzen duen eskualde batzuetan. 2009tik, Bing bilaketaren emaitzak erabiltzen ditu. Bere berezitasun nagusia eduki propioa eskaintzen jarraitzen duela da, hala nola, albisteak, finantza-zerbitzuak eta posta elektronikoa.
  • DuckDuckGo: 2008an sortu zen, eta pribatutasunarekin duen konpromiso sendoagatik da ezaguna. Beste bilatzaile batzuek ez bezala, ez du erabiltzaileen informazio pertsonalik arakatzen edo gordetzen. Marketin-agentzientzat hori erakargarria ez den arren, aukera interesgarria da datuen babesa lehenesten dutenentzat. Bere merkatu kuota txikia izaten jarraitzen du, baina gorantz doa, batez ere pribatutasunarekin kezkatuta dauden erabiltzaileen artean.
  • Yandex: Errusiako bilatzaile ezagunena eta Ekialdeko Europako beste herrialde batzuetan presentzia sendoa duena

Eta gehien erabiltzen direnak agertzen ez badira ere, beste bi bilatzaile aipatu nahiko genituzke:

  • Ekosia: 2017an atera zen merkatura eta jendearen arreta deitu zuena «bilatzaile ekologiko» gisa sortu zela zen. Ecosiak mundu osoko baso-berritze proiektuak finantzatzeko erabiltzen ditu bere publizitate-diru-sarrerak, eta horrek erakarri ditu ingurumenarekin kezkatuta dauden erabiltzaileak. Enpresak gardentasunerako konpromisoa hartu du eta hileroko txosten finantzarioak eta zuhaitz landaketen ordainagiriak argitaratu ditu. Nahiz eta Espainian oraindik ez agertu gehien erabiltzen direnen artean, mundua globaleko rankingetan agertzen da, oso kuota gutxirekin baina hor dago.
  • Baidu: Txinan gehien erabiltzen den bilatzailea da, bertako hizkuntza eta kulturarako optimizatua. Googleren antzeko diseinua du. Baiduren ezaugarririk nabarmenena audio fitxategiak bilatzeko aukera ematen duela da.

Laburbilduz

Web-bilatzaile bat erabiltzaileek Interneten informazioa bilatzeko erabiltzen duten tresna da, gure eguneroko bizitzan funtsezkoa, bilatzen dugun informaziora sarbidea ematen baitigu, eta online eduki garrantzitsuenetara konektatzen gaitu. Erabiltzaile gisa bilatzaile bat baino gehiago izan arren, jende gehienak Google erabiltzen jarraitzen du, merkatuko kuotaren %95 baino gehiago duen ezagunena.

INNOVA
DISEINU ZERBITZUAK
KONTAKTUA

943857327
innova@innovados.com

Kokapena
Juin Txiki industrialdea, 17
20720 -  AZKOITIA
Gipuzkoa

© Innova Imagen y Comunicación | Legezko dokumentazioa | Sitemap

Call Now Button
Pribatasun politika

Webgune honek cookieak erabiltzen ditu ahalik eta erabiltzaile-esperientzia onena eskaintzeko.

Cookie-ei buruzko informazioa zure nabigatzailean gordetzen da, eta zenbait funtzio betetzen ditu, hala nola gure webgunera itzultzen zarenean zu ezagutzea edo web orriko zer atal interesgarri eta erabilgarri topatzen dituzun ulertzen laguntzea.

Ez dugu inoiz informazio pertsonalik gordetzen.

Pribatutasunari, legezko eskubideei eta cookiei buruzko informazio guztia duzu Cookie-en Politikari buruzko gure orrian duzu.