Nola eduki posta elektroniko profesional bat

Baina, segur aski, honako galdera hauek egiten dizkiozu zeure buruari: nola lortzen da posta elektroniko profesional bat? Konplikatua da? Post honetan, galdera hauei eta gehiagori ahalik eta modu erraz eta zuzenenean erantzuten saiatuko gara.

Zer da posta profesionala eta zergatik da garrantzitsua?

Posta profesionala zure domeinua erabiltzen duen helbide elektroniko bat da (adibidez, @nireenpresa.eus). Gmail edo Hotmail bezalako doako kontuek ez bezala, zure markari zuzenean lotuta dago eta kontu orokorrek eskaintzen ez duten seriotasun maila transmititzen du.

Zergatik da garrantzitsua edukitzea?

• Konfiantza sortzen du: zure bezeroek zure negozioaren atzean antolakuntza eta profesionaltasuna dagoela sumatzen dute, nahiz eta zu bakarrik izan.
• Zure marka indartzen du: bidaltzen duzun mezu bakoitzak zure izena darama eta hobeto posizionatzen laguntzen dizu.
• Saihestu nahasteak: helbide pertsonalizatu bat gogoratzeko erraza da, eta askoz argiagoa zure bezeroentzat.

Zer urrats eman behar dira posta profesionala izateko?

Lehenik eta behin, argi izan behar dugu domeinu bat erosteak ez duela automatikoki posta elektronikoa izatea barne hartzen. Zure domeinua duten helbide profesionalak erabiltzeko, posta ostatatzeko zerbitzu bat behar duzu, zure mezu elektronikoak kudeatu eta gordetzeko. Eta horretarako hornitzailea ondo aukeratzea funtsezkoa da: erabiltzeko erraztasuna, laguntza tekniko fidagarria, biltegiratze ona eta bateragarritasuna eskaintzen dituen hornitzaile bat bilatu. Aukera egokiarekin, zure posta, funtzionala baino askoz gehiago izango da: zure marka indartzen duen tresna bihurtuko da.

Jende askok egiten duen: nire domeinuarekin helbide elektronikoa izateko kontratatu behar dudan hosting zerbitzuak web gune bat izatea beharrezkoa da?

Ez, hosting-a kontratatzean, posta elektronikoaren hosting zerbitzua aukeratzearekin nahikoa da. Hala ere, webgune bat izateak marketin digitaleko estrategia gehiago izateko atea irekitzen dizu eta jende gehiagorengana iristen laguntzen dizu.

Hauek dira zure posta elektroniko profesionala izateko eman beharreko pausoak:

• Aukeratu eta erregistratu zure enpresa edo markari gehien komeni zaion domeinua
• Hautatu zure enpresaren beharretara egokitutako hosting-hornitzailea
• Sortu posta elektronikoko kontuak zure domeinuarekin. Pentsatu zure negozioaren beharretan eta sortu kontu espezifikoak arlo bakoitzerako. Adibidez:
  • kontaktua@zureenpresa.eus
  • fakturak@zureenpresa.eus
• Konfiguratu zure posta elektronikoko aplikazioa: beste edozein mezu elektroniko bezala, posta-kudeatzaile batean konfiguratu (Outlook, Thunderbird…) eta edozein gailu elektronikotan instala daiteke (PC, Mac, smartphone…).
• Pertsonalizatu zure posta elektronikoa: gehitu zure izen osoa, enpresaren izena eta sinadura profesionala posta elektroniko bakoitzean. Zure komunikazioen profesionaltasuna handitzeaz gain, zure marka indartu eta hartzaileen pertzepzioa hobetuko duzu.

Ondorioa
Zure domeinua duen posta profesionala izatea ez da xehetasun bat bakarrik, zure irudia eta komunikatzeko modua indartzen dituen erabaki estrategiko bat da. Helbide pertsonalizatu batetik bidaltzen duzun mezu elektroniko bakoitzak konfiantza transmititzen du eta zure proiektua serioa eta ondo landua dela erakusten du. Hori bai, zure komunikazioen eraginkortasuna eta segurtasuna ziurtatzeko domeinu egokia eta posta-hornitzaile fidagarria aukeratzeak funtsezkoa dira.

Posta profesional bat izan nahi baduzu baina oraindik zalantzak badituzu edo zure ondoan gidatuko zaituen profesional bat izan nahi baduzu, ez izan zalantzarik, jarri gurekin harremanetan eta gure teknikariak arduratuko dira urrats guztietan aholku emateaz.