Amazon logoaren esanahia
Ziur Amazonen logoa ezagututzen duzula, baina, badakizu diseinu bat baino gehiago izan zituela oraingoera iritsi arte? badakizu amazon logoak zer esan nahi duen?
Gaur egun, Amazonen logoa, gezi moduko irribarrearekin, mundu guztiak ezagutzen du, baina diseinu horretara iristeko aldaketa ugari egin behar izan zituen.
Interneten liburuak saltzeko denda gisa sortu zen Amazón. Hasieran beste izen bat bazuen ere, bere sortzaileak, Jeff Bezosek, 1995ean enpresaren izena orain ezagutzen dugunera aldatu zuen, hau da, Amazon-era. Hitz hori erabili zuen, bere ustez bere dendak Amazonas ibaia bezalakoa izan nahi zuelako: «Leku handia, exotikoa eta desberdina». 1995etik 1997ra bitartean, logo horren estiloa gaur egun ezagutzen dugunaren oso bestelakoa izan zen. Bere diseinuan A letra lodia eta larria zuen, eta ‘A’ ren zeharkaldiaren ordez, erdian lerro lerromakur bat zuen, Amazonas ibaia gogora ekarri nahi zuen ideia.
Urte horien artean, logoak, ibaiarekin jolasean zebiltzan itxurako hainbat formatu izan zituen, baina 1998an erabat ezabatzea erabaki zuten, horrela amazon.com marka bera erabiltzen hasi zirelarik, behekaldean «EARTH’S BIGGEST BOOKSTORE» (Lurreko liburu-denda handiena) lema gehituz. Baina Amazon laster hasi zen liburuak baino gauz askoz gehiago saltzen beraz diseinuhorrek ez zuen asko iraun. Lema hori ezabatzean, kolore hori bizia sartu zuten lehen aldiz, oraingoan Amazonen O letran.
Baina diseinu honek ere ez zuen luze iraun. Urte horretan bertan aldaketa gehiago sartu zituzten, bai tipografian, bai sinboloan. Marka izendatzailea, amazon, berriz ere minuskulaz idazten hasi ziren, baina oraingoan letra lodiz nabarmenduta eta .com-a lodiera txikiagoan utzita. Eta gainera, inskripzioaren azpian apur bat okertutako urre-lerroa gehitu zuten. Gaur egungo logotipora hurbiltzen gaitu horrek.
2000 urtean lortu zuten guztiok gaur egun ezagutzen dugun irudia. Diseinutik .com kendu zuten, eta urrezko lerro okertuaren ordez, A-tik Z-ra doan gezi bat jarri zuten, irribarre bat osatuz. Eta bai, horrek badu bere esanahia. Geziak enpresaren goiburu nagusietako bat adierazten du, hau da, «From A to Z», hau da, amazon dendan, A eta Z arteko produktu guztiak dituztela. Horri irribarrea gehitu zioten, horrela, bezeroen artean konfiantza eta zoriontasun sentsazioa transmitituz. «Irribarre horrek kontsumitzailean, amazon-pakete bat jasotzen duen bakoitzean, sentitiarazten duen poztasuna adierazten du».
Urteen poderioz, Amazonen logoa munduan ezagunenetako logo bat bihurtu da. Amazonen irribarrea hain da eraginkorra, ze nahiz eta markaren izena alde batera utzi, jendeak berehala ezagutzen du ze logo den.
Oharra: 2025. urtean Amazonek bere markaren rebranding bat egin du berriro. Oraingoan aldaketak ez dira ain agerikoak izan, askorentzat oharkabean pasa dira, baina barne-aldetik aldaketa indartsuak izan dira, beren azpi-marka guztiak hertsatzeko aukera eman baitute. Nahi baduzu, gure ‘ Amazonek bere marka berritu du‘ artikulua irakur dezakezu. Bertan, rebranding-aren xehetasun guztiak eta zergatiak azalduko dizkizugu.
