PHP7 bere azkenera iristear da

Gure web orrian PHP bertsioa aktualizatua izatearen garrantzia

Gure blogeko artikulu zahar batean PHPa zer zen eta gure webaren funtzionamenduan zenbateko garrantzia zuen azaldu genuen (Web orriak, zerbitzariak eta PHP lengoaia).

PHP bertsio baten «bizi-zikloa» 3 urtekoa da. Bertsio berria ateratzen denean, lehen bi urtetan segurtasun-eguneratzeak jasotzen ditu (akatsak eta segurtasun-zuloak zuzentzeko), eta azken urtean segurtasun-eguneratze kritikoak bakarrik. Denbora hori igaro ondoren, bere bizi-ziklo amaierara iritsi dela esaten da, eta ez du inolako euskarririk gehiago jasotzen. Beraz, zibererasoen aurrean zaurgarria izaten hasten da.

Eta bi hilabete barru, egun kritiko horietako bat iritsiko da; 2022ko azaroaren 28an PHP 7.4 bertsioaren bizi-zikloa amaituko da. Egun horretatik aurrera, ez du inolako segurtasun-euskarririk jasoko; beraz, INNOVA-tik zuen web orriak erabiltzen duen PHPren bertsioa berrikustea eta gaur egun eguneratzeak jasotzen dituzten bertsioekin lan egitea gomendatzen dizugu, hau da, 8.0 edo 8.1 bertsioekin.

W3Techs.com estatistiken arabera, oraindik web orri askok 7.4 baino lehenagoko bertsioak ere erabiltzen dituzte (bertsio ez-seguruak), eta, gainera, orri askok 5. bertsioa erabiltzen jarraitzen dute, horrek dakartzan segurtasun-arrisku guztiekin.

PHP bertsioa eguneratzeko prozesua

PHPren bertsioa aldatzeko prozesua zure web orriko edo domeinuko hosting-aren Kontrol-Panelaren bidez egiten da, baina kontuz, kontua ez da bertsioa eguneratzea soilik. Hori egin baino lehen, zure web orria, bere gunea, Joomla, WordPress, Prestashop… eta haren pluginak edo luzapenak ere eguneratuta daudela eta PHPren bertsio horrekin bateragarriak direla ziurtatu behar duzu. Web orria behar bezala berrikusi gabe PHPren bertsioa eguneratu ezkero, agian orririk gabe geratuko zara; beraz, kontuz.

Zure web orriak PHP azken bertsioarekin lan egiteko prest dagoen jakin nahi baduzu, segurua den eta eguneratuta dagoen, jarri gurekin harremanetan eta zure web gunearen uneko egoeraren berri emango dizugu. Desfasatuta dagoela ikusten badugu, eta agian hackeoekiko kaltebera izan daitekeela, eguneratzeko eman beharreko urratsen berri emango dizugu. Dena inolako konpromisorik gabe.